Luke 22:55 - Bo-Ung NT

⁵⁵ Yesos meku puring lku akili lku angiliipa poku tirim, sukundu we lirim koleana tepi kalku piliiku muluringna Pita pupa enini-kene mulurum.

Luke 22:55 Referans Kwoze

1 Corinthians 15:33

[Akiliinga-pe yambu mare-ni eni kundi toku “Ulu kis te teamili.” níngi lem] ung akili piliiku ‘Aku teamili.’ aima naa niai. [Akiliinga ung molemú kanili. Akili-ni nimba mele:] ‘Uluma teku kis-silimele yambuma-kene eni-kene tapú-toku mulúngi lem eninga teku kis-silimele uluma-ni eninga teku konjulemele ulu kaíma kamu topa mania mundumba.’ nilimú.

Luke 22:44

Kanu-kene yunu numanuna buni lakupa liipa, mundu-monguna mindili tipili molupaliinga yunu-ni Pulu Yili-kene tondulu mundupa popu topa mawa tirim-na yunga kangina kúru omba kúru kanili memi mele mana mania purum.

Matthew 26:3

Yesos-ni aku-sipa nirim enaliinga Pulu Yili popu tunjuring yi-aulima kene, Juda-yambuma nukuring tápu-yima kene, enini Pulu Yili popu tunjuring yi-auli-olandupa ‘Kayapas’ nili yi akiliinga lkuna puku liiku máku toku kene,

Luke 22:56

Yunu akuna mulupili [Pulu Yili popu tunjuring yi-auli olandupa akiliinga] kendemande-ambu te omba tepi pa tirimna Pita mulurum kanupa bi sipaliinga yunu nem-nemi nimba kanupa kene nimba mele: “Yi ili Yesos-kene wasie muluringli kanurundu.” nirim.