Luke 20:25 - Bo-Ung NT

²⁵ Enini yunundu niku mele: “Rom-Gapman-Yi Aima Auli Kumbina Sisale-nga [kumbi-kerale kene bili kene molemú].” niring. Kanu-kene yu-ni eninindu nimba mele: “[Ku-moni akili Sisale-nga ku-monele] akiliinga Sisale-nga mélema Sisale yunu siku, Pulu Yili-nga mélema Pulu Yili yunu sai.” nirim.

Luke 20:25 Referans Kwoze

1 Corinthians 10:31

Akiliinga, [eninga yambu te-ni aku-sipa nimba walsimbaliinga ung te pundu topu niambu:] Eni langi nungí mola no nungí mola ulu te tingí kene ulu tingí akuma pali tingíndu ‘Pulu Yili kape nimbu yunga bi paka tunjamili.’ niku ulu akuma teai.

Acts 5:29

Pita kene, Yesos-ni liipa mundurum yi wema kene, enini eninindu pundu toku niku mele: “Yambuma-ni ‘Teai.’ nilimele mele oliu-ni piliipu liipu kapula naa temulú. Pulu Yili-ni ‘Teai.’ nilimú mele mindi piliipu liipu teng panjipu temulú.

Mark 12:17

Kanu-kene yu-ni eninindu nimba mele: “[Ku-monele Sisale-nga] akiliinga Sisale-nga mélema Sisale yunu siku, Pulu Yili-nga mélema Pulu Yili yunu sai.” nirim. Yu-ni aku-sipa [aima sumbi-sipa] nirim mele akili piliiku kene [‘Yu aima piliipa kungnjuli pelemú yili lam.’ niku piliiku kene] numanu pulele liiku munduring.

Matthew 22:21

Enini yunundu niku mele: “Rom-Gapman-Yi Aima Auli Kumbina Sisale-nga kumbi-kerale kene bili kene molemú.” niring. Kanu-kene yu-ni eninindu nimba mele: “[Ku-monele Sisale-nga] akiliinga Sisale-nga mélema Sisale yunu siku, Pulu Yili-nga mélema Pulu Yili yunu sai.” nirim.

Matthew 17:27

Akiliinga-pe ku-takis naa tombulú kene lku-temboll ku-takis liilimele yima-ni olsu kanuku kis piliingí kapula naa tembaliinga no-numúna pukunu uk mundu-pani. Uk mundukunu kene oma te tuni oma akiliinga kerina aká tinjiní kene ku-moni te pemba, ku-moni akili liikunu kene meku pukunu olsunga wasie liiku tere leku ku-takis tui.” nirim.

1 Peter 4:11

Yambu te-ni ung nimba simba lem Pulu Yili-nga ungma mindi nimba sinjipili. Yambu te-ni yambu marenga kongun tenjimba lem Pulu Yili-ni tondulu silimú tondulale-ni mindi tinjipili. ‘Ulu temulúma pali yambuma-ni kanuku kene Pulu Yili kape niku yunga bili paka tonjangi.’ niku Yesos Krais wasie tapú-toku molku kene ulu akuma teai. [Yambuma kene mélema kene pali] yunga bili kam-kamu ola molupa mindi pupa, yunga tondulale taki-taki pepa mindi pupili molemú. Aku-sipa sika tipili.

Luke 20:24

“[Ku-takis tolemele] ku-mong te na liiku ora sai.” [nimba kene eninindu kelepa walsipa piliipa kene nimba mele:] “Ku-moni ilinga naenga kumbi-kerale kene bili kene molemúye?” nirim.