Luke 2:29 - Bo-Ung NT

^29-30 “Yi Auli Tondulu Olandupale, yambuma tepa liipa, mindili nolkemela kupulanum-na wendu liipa nu-kene wasie molku kunjingí kupulanum-na liipa monjumba yi sikenele na ekupu nanga mongsele-ni kanokur kene ui nandu niku panjirinu mele wendu okum akiliinga ekupu na nunga kendemande-yili numanu waengu nipili kolumbu.” [nirim.]

Luke 2:29 Referans Kwoze

Revelation 14:13

Kanu-kene na ung te mulú-koleana wendu urum piliirindu kene nimba mele: “Pepá tokunu i-sikunu mele ni: ‘Ekupu kepe penga kepe Auliele-nga yambuma molku kene kolemele kulungí yambuma enini “Numanu kaí pípili molku konjangi.” nilimú kupulanum-na molemele.’ nikunu pepá tui.” nirim. Minéle-ni kepe nimba mele: “Sika, enini “Numanu kaí pípili molku konjangi.” nilimú kupulanum-na molemele. Enini ulu-pulu kaí telemelema Auliele-ni piliipa molumbaliinga mindili siku telemele kongunuma munduku kelku sika múlu liiku kóru mulungí.” nirim.

Philippians 1:23

Na numanu tale pelemú. Ma-koleale mundupu kelepu Krais molemúna pupu wasie molombulundu na numanu sipu moliu. Aku tindu lem aima kapula.

Luke 2:26

Mini Kake Tiliele-ni yunundu ung te ui nimba mele: “Nu ui naa kuluni. Nu Auliele-ni “Enini nokupa konjumba yi te liipu mundumbu.” nimba makó turum yi-nuim Kraisele kanukunu kene penga kuluni.” nirim.

Luke 2:28

Simion-ni omba kangale kanglupa liipa Pulu Yili-nga bili paka tonjupa nimba mele:

Revelation 6:10

Enini tondulu nangale toku kene niku mele: “Yi-Auli Tondulu Olandupale, yi kake tepa ung-sikama pelemú yili, ena nambi-sipa omba pumba kene mana-yambu oliu toku kunjuringimanga kot piliiku kene pundu tunjuniye?” niring.