John 20:27 - Bo-Ung NT

²⁷ Nimba kene yu-ni Tomas-ndu nimba mele: “Nunga ki-sundele-ni nanga ki-sele simbi tonjukunu kene kanui. Nunga kili sunu munduku kene nanga wanguna ki suku mundukunu pilíí. Kanuku piliikunu kene ‘Sika mola gólunje.’ nikunu naa pilíí. ‘Sika lomburupa ola mulúm.’ nikunu tondulu munduku pilíí.” nirim.

John 20:27 Referans Kwoze

John 20:25

Lumbili anduli yi wema-ni “Auliele ya um kanúmulu.” niring kene yu-ni ‘Gólu túngi.’ nimba piliipa kene nimba mele: “Nanga mongale-ni yunga kína pirimú turing urulale naa kanupu, akuna nanga ki-sundale suku naa mundupu, kupanda-ni wanguna turing akuna nanga kili suku naa mundundu lem ‘Yu lomburupa ola mulúm.’ nimbu naa piliimbu, aima mólu.” nirim.

John 20:20

Aku nimba kene, [‘Na turing urulama kanuku kene ‘Na sika eninga Auliele omba angiliikim.’ niku piliangi.’ nimba] yunga ki-sele kene wángele kene liipa ora sirim. Auliele kanukuliinga enini numanu aima lakuku siring.

Romans 5:20

Yambuma teku kis-siku molangi Pulu Yili-ni ‘Ung liiku su silimele mele olandupa teku liiku su sangi.’ nimba ung-manima sirim. Akiliinga-pe [Pulu Yili-ni ung-manima sirimeliinga] yambuma-ni ulu-pulu-kis olandupa-olandupa tiring kene Pulu Yili-ni yambuma we kondu kululi ulele olandupa purumko.

Luke 24:40

Aku-sipa nimba kene yunga kimbu-ki pirimú turingima enini liipa ora sirim.

Luke 9:41

[Aku-sipa nirim-na] piliipa kene Yesos-ni [yambuma ung-mura sipa kene] nimba mele: “Ekupu molemele yambuma eni [‘Pulu Yili-ni uluma sika kapula temba.’ niku] tondulu munduku naa piliilimili. Eni numanu karaye tepa pili yambuma, na eni-kene molupu, wale nambi-sili molupu mani sipu ulu mare liipu ora simbu kene mimi-siku piliingíye? [Na eni-kene enembu tokum.]” nimbaliinga penga yi kanilindu nimba mele: “Nunga kangale na moliuna meku ui.” nirim.

Mark 9:19

Aku-sipa nirim-na piliipa kene Yesos-ni yambuma [ung-mura sipa kene] nimba mele: “Ekupu molemele yambuma eni [‘Pulu Yili-ni uluma sika kapula temba.’ niku] tondulu munduku naa piliilimili yambuma, na eni-kene molupu, ena nambi-sili molupu ung-bo tonjupu mani sipu ulu mare liipu ora simbu kene mimi-siku piliingíye? [Na eni-kene enembu tokum.]” nimba kene “Na moliuna kangale meku wai.” nirim kene

Matthew 17:17

Aku nirim-na piliipa kene Yesos-ni [yambuma ung-mura sipa kene] nimba mele: “Ekupu molemele yambuma eni [‘Pulu Yili-ni uluma sika kapula temba.’ niku] tondulu munduku naa piliilimili. Eni numanu karaye tepa pili yambuma, na eni wale nambi-sipu mani sipu ulu mare liipu ora simbu kene mimi-siku piliingíye? [Na eni-kene enembu tokum.]” nimba kene “Na moliuna kangale meku wai.” nirim.

Luke 24:39

“Nanga ki-sele kene kimbuma kanuku ‘Ili na-nanu.’ niku kanai. Ambolku piliai. Nanga kangiele kene ombele kene angiliikim mele minimanga aku-sipa angiliimúye? [Aku-sipa naa angiliimú kanili.]” nirim.

John 20:28

Tomas-ni yundu nimba mele: “Nanga Auliele, nanga Pulu Yili.” nirim.