John 11:11 - Bo-Ung NT11 Aku nimba kene pe yu-ni alsupa eninindu ung te wasie nimba mele: “Oliunga pulu lelemú yi LLasares uru pelemú. Akiliinga-pe na-ni pupu yu topu makinjimbu.” nirim. Gade chapit la |
Oliu ‘Wasie tapú-topu molamili.’ nimba Yesos-ni oliunga nimba alko topa kulunjurum. Oliu aku-sipa tepa liirimeliinga [‘Sika nanga nimba tinjirim.’ niku tondulu munduku piliilimili yambumanga yu ombá kene] oliu yunga we molomulú yambuma kene, kolku uru pingí yambuma kene, [mulú-koleana ola pupu] yu-kene wasie molomulú.
Pa tiliele-ni méle te tepa mokeringa lenjilimú kene méle kanuma kepe pa telemú akiliinga mélemanga puluma mokerenga lelemú. Akili piliiku konana tenga ung te turing kanili. Akili i-sipa mele: “Yambu uru píliele, nu ola muluyo. Lomburukunu ola muluyo. Aku tiní kene Krais-ni nu mulunina pa tenjimba.” nilimú.
Aku-sipa tirimeliinga Pulu Yili-nga bukna yundu ung te nilimáliinga pulele wendu urum. Ung kanili i-sipa mele: ‘Pulu Yili-ni yu-kene “Tembu.” nirim mele Eprayam-ni ‘Sika temba.’ nimba tondulu mundupa piliirimeliinga kanupa kene Pulu Yili-ni “Yu yi sumbi-niliele.” nimba kanurum.’ Ui-Pulu-Pulu 15:6 Eprayam-ni aku-sipa tirimeliinga Pulu Yili-ni yundu ‘ “Nanga pulu lelemú yili.” nirimko.’ King Aelepama Tale-Sipale 20:7 aku-sipa molemú kanili. [Yambu te-ni nandu ung te aku-sipa nilkanje na-ni aku-sipu pundu topu nilka.]
[Yambu mare-ni “Yambuma lomburuku ola naa mulungí.” nilimele] kelep-ung-languku nilimele kanuma munduku kelku, numanu-bo pípili molai. Ulu-pulu-kis telemele mele alsuku naa teai. Eninga yambu mare-ni Pulu Yili molemú mele naa piliiku yu-kene tapú-toku naa molemeláliinga piliipu kene “Aku-siku teai.” niker. ‘Eni mare Pulu Yili naa piliilimili.’ niker akili piliiku kene pipili kulúngi lem eni kapula pipili kulungí.
Yi ambu liimba ambale yili yunga mendepolu. Yi ambu liimba yili-ni ung nimbá mele yili yunga pulu lemba yili-ni piliimbandu kum lepa molumba. Yunga ungele piliipa kene aima numanu simba. Akiliinga, yili kene pulu lemba yili numanu simba mele na aku-sipu kamu numanu siliu. Ambu liimba yili olandupa. Yunga pulu lelemú yili yu-kene wasie we tapú-topa molemú, yi kanili mandupa.