Hebrews 1:9 - Bo-Ung NT

⁹ Nu-ni ulu-pulu sumbi-nílima mendepulu numanu sikunu tellu. Ulu-pulu-kísima numanu naa monjukunu aima naa tellu, akiliinga nunga Pulu Yili-ni ‘Nu yi nuim kingele molkunu mélema pali nokani.’ nimba makó topa kene nunga pulu lelemú yambumanga pali namba aima olandupale nu sirim. Nu aku-sipa tepa kunjurumeliinga nu kene nunga pulu lelemú yambuma kene numanu singí.” Konana 45:6-7 nirim.

Hebrews 1:9 Referans Kwoze

Galatians 5:22

Akiliinga-pe [Pulu Yili-nga] Minéle-ni numanuna molupa ambululemú yambuma ulu telemelema i-sipa mele: Yambuma numanu monjuku, numanu siku molku, numanu waengu nipili táka-niku molku, ólo-pangí tipili molku, yambuma kondu kolku liiku tapunjuku, yambu mélema mólu tolemúma liiku tapunjuku mélema siku, ulu-sikama mendepolu sumbi-siku teku,

Romans 15:13

Mini Kake Tiliele-nga tondulale-ni eni Pulu Yili “Tembu.” nimba, nimba panjurum mele akili ‘Sika aku temba.’ niku tondulu munduku piliilimili mele ‘Penga enembu naa kolku ‘Sika’ niku tondulu munduku aima piliiku mololsiliiku mindi pangi.’ nimba, eni ‘Sika’ niku tondulu munduku piliilimiláliinga pulele Pulu Yili yu-ni eni ‘Sika’ niku tondulu munduku piliilimili ulu kanili-ni ‘Eni numanu lakuku siku numanu waengu nipili molangi.’ nipili.

Luke 4:18

“[Asaya-ni i-sipa nimba mele:] “Auliele-nga Minéle na-kene molemále yunu-ni nandu nimba mele: “Yambu-korupama temani kaiéle toku siku, ka-lkuna pelemelé yambumandu ‘Wendu oku we molangi.’ niku, mong kis lili yambumandu ‘Mong kaí lipili kanangi.’ niku, mindili noku molemele yambuma ‘Mindili naa noku, molku konjangi.’ niku,

1 John 1:3

‘Eni oliu-kene wasie tapú-topu molamili.’ nimbu oliu-ni kanupu piliirimulu mele eni kepe nimbu sikemulu. Tapú-topu molemuláliinga pulu kanili i-sipa mele: Oliu Lapa kene yunga Málu Yesos Krais-kene wasie tapú-topu molemulu akili.

1 Peter 1:3

Oliunga Auli Yesos Krais-nga Lapa Pulu Yili kape nimbu yunga bili paka tunjamili. Yu-ni oliu ‘mindili nangi.’ nilka akiliinga-pe oliu aima kondu kolupa “Naa tombu.” nimba kanupa konde tepa kene ‘Yesos Krais yambu-ónu-koleana lomburupa ola mulupili.’ nirim ulu kanili-ni Pulu Yili-ni kona mululi ulu-pulu konale oliu sirim. [Yambuma-ni kangambula kona melemele mele eni aku-siku yambu konama molemele.] Kona mululi ulu akili-ni oliu tepa tondulu mundunjulimáliinga [‘Yu-ni ‘méle kaíma simbu.’ nimba piliilimúma pali] sika simba.’ nimbu nokupu molemulu mele pora naa nimbá.

Hebrews 7:26

Popu tunjuli yi-auli-olandupa aku-sili te-ni oliunga nimba tenjilimú mele papu tenjipa molemú. Yu Pulu Yili-ni kanupa ‘yi aima kake tili’ nimba kanolemú yili molupa, ulu te tepa kis naa sipa, ulu-kis te walsekale kepe ‘Teambu.’ nimba naa piliipa, yambuma-ni ulu-pulu-kis tiring kene ‘Na-kene wasie teamili.’ nimba naa tirim, akiliinga, Pulu Yili yu-yunu mulú-koleana aima olandupa molemúna ‘mulupili.’ nimba munjurum.

Philippians 2:9

Penga [yu Pulu Yili-nga ungma pali piliipa liipa tirimeliinga] Pulu Yili-ni yu aima olandupa liipa monjupa, bi te we-bima pali topa mania mundupa aima olandupa molemú bili sirim.

Ephesians 1:3

[Pulu Yili-ni] mulú-masele ui naa tipili Krais-ni penga oliunga nimba tenjimba mele piliipaliinga oliu ‘yambu kake tílima molku, yambu mong liiku mindili nungí ulu te naa pili yambuma molangi.’ nimba oliu makó turumeliinga Pulu Yili, oliunga Auli Yesos Krais-nga Lapale, kape nimbu bi paka tunjamili. Krais-ni oliunga nimba tinjirim, oliu-kene tapú-topa molemáliinga Pulu Yili-ni oliu membu panjipa mulú-koleana yandu oliunga numanuma kene minima kene membu panjipa ‘tondulu pupa kapula pípili.’ nimba, méle kaíma sipa mundurum. [Mulú-masele ui naa tipili] oliu [penga molomulúma] numanu monjupa kene

1 Corinthians 1:9

Enindu yunga Málale oliunga Auli Yesos Krais-kene wasie “Tapú-toku molangi wai.” nirim Pulu Yili-ni ulu “Tembu.” nilimúma aima sika telemú. [Eni-kene aku-sipa ulu kaíma wendu] urumeliinga piliipu kene [Pulu Yili-kene taki-taki “Angke” niliu].

John 20:17

Yesos-ni nimba mele: “Na Tata molemúna kelepu olandu ui naa púndeliinga na naa ambuluyo. Nanga anginipilima molemelena pukunu eninindu niku sikunu kene nikunu mele: “ “Na kene eni kene oliunga Lapa Pulu Yili molemúna kelepu olandu pukur.” nim.” ni.” nirim.

John 1:41

Yu sumbi-sipa pupa angin Saimon korupa kanupa liipa kene yundu nimba mele: “Pulu Yili-ni “oliu nokupa konjumba yi te liipu mundumbu.” nimba makó turum yi-nuim Mesayale kanupu líímulu.” nirim. (‘Mesaya’ akili Juda-yambumanga ung te. Mesayale-ndu Grik-ungna ‘Kraisele’ nilimele.)

Revelation 2:15

Aku-sikuko nu-kene molemele yambu mare yi Nikollas lumbili pulimelé yambuma ungma piliiku liilimele mele aku-siku ungma piliiku liiku kene teku kis-siku molemele.

2 Corinthians 11:31

Auli Yesos-nga Lapa Pulu Yili, yunga bili taki-taki paka tonjimulú kene aima manda, yu-ni ung ya nikeruma ‘Gólu tokum.’ manda naa nimbá.

Romans 12:9

[Yambu lupama] aima sika numanu monjuku konjai. Ulu-pulu-kísma kanuku kis piliiku munduku kelku, ulu-pulu kaíma mendepolu numanu monjuku tondulu munduku teku molai.

Acts 10:38

Kopungu-wel te pengí imuna onde leku kanjiring mele Pulu Yili yunga kongunale tembandu Pulu Yili-ni kolea Nasaret yi Yesos Mini Kake Tiliele sipa Yesos ‘Tondulu pupili.’ nirim. Kanu-kene Pulu Yili Yesos-kene mulurum kilia Yesos koleamanga andupaliinga ulu kaíma tepa, [kurumanga nuim] depollale-ni ambulurum yambuma “Kaí molangi.” nirim. [Akili eni piliiku pora silimele.]

Acts 4:27

Sika kolea-auli ilinga yi nuim king Erot kene Rom-yi Pondias-Paillat-sele Isrel-yambuma kene Isrel-yambu naa molku yambu bo-lupa mululi yambuma kene enini liiku máku toku, nunga kendemande-yi kake tili yi uinga makó turunu yi Yesos ‘Topu konjumulú.’ niku wai turing.

John 3:34

Pulu Yili-ni liipa mundurum yi ili Pulu Yili yunga Minéle aima auli-tepa silimú numanuna pepa kapula telemáliinga yu-ni Pulu Yili-nga ungele sumbi-sipa nilimú.

Hebrews 2:11

[Yu-ni Pulu Yili-nga kangambula pulele manda mulú-koleana memba pulimáliinga pulele i-sipa mele:] Yu kene enini kene yambu-talape tiluele. Yi te-ni yambuma liipa tapunjupa ‘Pulu Yili-ni kanupa ‘yunga yambu kake tílima’ nimba piliipili.’ nilimú yili kene yi kanili-ni yambuma liipa tapunjilimú-na enini Pulu Yili-ni kanupa ‘nanga yambu kake tílima’ nimba piliilimú yambuma kene oliunga Lapa tiluele. Akiliinga, yu-ni eninindu “Ang” nimbándu pipili naa kolemú.

John 10:17

“‘Na tangi kolambu.’ nikereliinga Tata-ni na numanu monjulemú. Akiliinga-pe ‘ ‘Kolupu kene ónale ónu-koleana kamu leambu.’ ni naa nimbu, ‘Lomburupu ola molambu.’ nimbú.’ nimbu piliipu kene ‘Na kolambu tangi.’ niker.

Acts 4:26

Pulu Yi Auliele kene yunu-ni ‘Nanga yambuma nokupa konjumba yi te liipu mundumbu.’ nimba makó turum yi-nuim [Krais]ele kene elsele koleamanga pali yi nuim kingima-ni ‘Elsele-kene ele teamili.’ niku molemele. Yambu nukuli yima-ni ‘Elsele topu mania mundumulú.’ niku molemele. Aku-siku ulu kapula naa tingí mele nambimuna ‘Oliu-ni teamili.’ niku molemeleye?” nimba Depit-ni aku-sipa nirim. Konana 2:1-2

Hebrews 2:9

‘Aku sika akiliinga-pe ekupu [mana-yi tilu sika] yunga bili kene nambale kene mélemanga pali aima olandupa molkom.’ nimbu kanolemulu. Akili Yesos. Ui Pulu Yili-ni oliu we kondu kolupa ‘Yu yambuma tepa liipa, eninga pali alko topa mindili nomba kulunjupili.’ nimba ‘Yu angkellamanga mania mele mulupili.’ nirim. Yu mindili nomba kulurumeliinga Pulu Yili-ni yu mélemanga pali namba olandupa-sipa yunga bili paka tunjurum nimbu kanolemulu.