Lucas 9:48 - Yura porciones de la biblia

⁴⁸ Naskata na auxũ tapipaudiwu yuidi: “Watura wetsã euxũ da wake sharawatiru ea sharawai keskara itiru. Naatu ea sharawakĩ na ea nichidi sharawai keskara itiru. Maawawe shina watura wetsã naskara atiru a bitsisipaba. Naskaweke Diospa uĩya naa bitsisipa datukui”, Jesúspa atu wadi.

Lucas 9:48 Referans Kwoze

Lucas 14:11

Watura wetsã ‘Ẽ bitsisipa’, raixu wetsawu naduri atu shinabapaiyai naa Diospa bitsisipabawaaxiwi. Watura wetsã ‘Ẽ bitsisipaba’, raixu wetsawu naduri shinabapaiyai naa Diospa bitsisipawaaxiwi”, Jesúspa atu wadi.

Lucas 22:26

Atu keskara iyabakawe. Watura wetsa iyua chipuke keskara iwe. Watura wetsa diaiwu uibati keskara iwe.

Juan 13:20

“Ẽ batu yuikui. Na ẽ nichia ma iwikĩ eari ma iwitiru. Ea ma iwikĩ na ea nichidi ma iwitiru”, Jesús idi.

Lucas 10:16

Naskawata Jesúspa na setenta y dos dukuwedewu nichiyaitii atu yuidi: “Na ẽ batu tapibabiswu yurawu atu yuitakawe. Ẽ batuwe kayabawiyaidu watura wetsã batu dikakĩ eariwi dikai. Watura wetsã batu dikakaspakĩ eariwi dikakaspai. Watura wetsã ea dikakaspakĩ na ea nichidiriwi dikakaspai”, atu wadi. Naskawata na setenta y dos dukuwedewu na atu yuiya aki wukadi wudiwu.

Juan 14:21

Ewẽ tsai bitsisipa dikayaitu naatu ea dui. Ẽriwi ẽ duinupukui ewẽ Epãri. Naa ẽ tapibaxiwi”, Jesúspa atu wadi.

Lucas 22:30

Ẽ naatiiwuna atũ diaiwu ikadu ma eweta piyana ma eweta ayanupukui. Na diaiwu datukuiwutiis tsautiruwu adu tsauxu maawawe nuku chata Israel awẽ doce xukuwu ma yuinupukui watuwawe Diospa ubiskuibatirumaiki”, Jesúspa na atu nichipaudiwu wadi.

Lucas 7:28

Juan bitsisipakuiki. Naatiiwi yura wetsawu atu winua. Naskawia yurawawe ‘Dios ewẽ diaiwura’, watiruwu wetsã, naa naskatiru wetsawawe winuawu, naatu Juan winua”, Jesúspa atu wadi.