Lucas 8:25 - Yura porciones de la biblia

²⁵ Naskata atu yuidi: “¿Aweskai ma iki chipu diabame?” Jesúspa atu wadi. Wechumawã newewãya dishpawaitu uĩkadax ratediwu. Wetsa keskaradiwu. Awirasi yuinadiwu: “¿Da tsuame? Newewãwe wechumawã dishpawu atu yuiyaitu”, wadiwu.

Lucas 8:25 Referans Kwoze

Juan 11:40

Jesúspa kebadi: “Ẽ bia yuiyaitu mi dikabame. Ea ikũira waxu Epa Dios awẽ bitsisipa mi uĩtiru”, Jesúspa Marta wadi.

Lucas 12:28

Wasiwuya charu sharashtawu Diospa udiwadi. Nawu peda wisti iyabakadi peda rawe iyutiruwu. Ma tsasiawuadu yurawawe kuwatiruwu horno mera. Sharashtakuiwuweke nawu Diospa ichapaba dui. Batu Diospa duikui. Naskake batu saweti inaxiwi. Maawawe shinai: ‘Awa nu sawetiruba’, ma iki Dioski ma chipu diasharaba.

Lucas 8:24

Naskaitu uĩkakĩ na Jesúsuxũ tapipaudiwawe Jesús muidiwu. “¡Diaiwũ! ¡Diaiwũ, nu asai!” wadiwu. Widinakawata newewãya wechumawã Jesúspa “Askayabakawe”, wadi. “Askayabakawe”, waidu newewã dishpadi. Ana iãmawa wechu wechuidiba.

Lucas 8:26

Jesúswe auxũ tapipaudiwu xaxuwãne wukadi Gerasa bai adu dukudiwu. Galilea bai ukiri idi.