Lucas 6:20 - Yura porciones de la biblia

²⁰ Jesúspa auxũ tapipaudiwu uĩkĩ atu yuidi: “Ma awayayabawiax ma idibatiru Diosmai matu diaiwu.

Lucas 6:20 Referans Kwoze

Lucas 12:32

Jesúspa auxũ tapipaudiwu atu awi yui idi. “Maawu ewẽ ovejawu. Ma ichapaba. Beseyabakawe. Epa Diospa ma shina batuwu kañawata matu diaiwu iixikĩ. Naduri shinai Dios idibai.

Lucas 14:15

“Mi yura awayabawu piti akĩyaitu uĩbixakĩ Diospa bia sharawanupukui”, Jesúspa waitu dikata naweta piyai wetsã Jesús yuidi: “Na Dios diaiwu ipadaka aduxu piixiwaiwu naawu idibatiruwu”, wadi.

Lucas 13:28

Dios diaiwu ipadakatiã na Diospa yuixiwaiwu atu Diospa piti ichapa akĩnupukui. Na baitiu ari ikawawe awetiirawaĩ pii wenupukukadi. Na wari uwaikiriduax weta na wari kaĩkiriduax na wari uwaibakiriduaxri weexikadi. Xawakawixu ma atu uĩnupukui. Na Dios diaiwu ipadakadua Abraham, Isaac, Jacob, naatiiwi profetawuriwi atu ma uĩnupukui. ‘Ma ikitiruba’, Diospa batu waitu dikax ma sidai wechupinupukui. Ma siainupukui.

Lucas 4:18

“Diaiwu Diospa awẽ Espíritu Santo ewe dia. Ea kañawaa na awayabawu ẽ atu Diospa tsai shara yuinu. Ea nichia ẽ na yurawu wetsawawe achikaxu nichikaspakadi ẽ nawu yuinu: ‘Ẽ batu nichiyua’, atu wanu. Ea nichia ẽ wexuwu kayawanu. Ea nichia ẽ yurawu nichinu wetsawawe ana atu chakawayabanuwu.

Lucas 16:25

Abrahampa kebadi: ‘Epa, shinawe mi dayuaxba mi awara sharawuya mi ipaudi Lázaro ubiskuiyaidu. Aka datiã duduax Lázaro idibai. Naskaidu mi ubiskui.