Lucas 5:33 - Yura porciones de la biblia

³³ Yurawawe Jesús yuidiwu: “Na Juanuxũ tapibiswawe na fariseowuuxũ tapibiswaweriwi Dios shinaxikakĩ pikĩ tederiwatiruwu. Kiwĩriwatiruwu. Aka na miuxũ tapibiswawe pikĩ tedebiswuba. Ayakĩ tedebiswuba”, wadiwu.

Lucas 5:33 Referans Kwoze

Lucas 20:47

Nawawe iyubawawawe atũ pexewu atu wiãtiruwu. Chai kiwĩtiruwu yurawawe duduri shinanuwu: ‘Na Diospa duiyai axikakĩ shinawaĩ abiswu’, wanuwu. Naskaweke askarawuba. Diospa yurawu ubiskuibaitiã na dukuwedewawe na Diospa Moisés kedebadi yurawu tapibabiswu ubiskui widanupukukadi wetsawu ubiskuisharayabaiwudu”, Jesúspa auxũ tapipaudiwu atu wadi.

Lucas 18:12

Martes ikaidu viernesri ẽ pikĩ tedetiru. Ẽ yuduxu pei sapauxũ awara inabetsaxuri na ẽ wiatii diez paxkaxu wisti ẽ bia inatiru’, fariseopa wadi.

Juan 3:25

Juan udua tapibiswu na shinashara udua weyabis awara chukaki wisti shinawiyaiwawe judíowe askawatanadiwu. A wisti shinadiwuba.

Juan 1:35

Peda wetsa Juan awiana nadu idi a udua tapibis rawewe.

Lucas 11:1

Peda wetsa Jesúspa Dios kiwĩdi wetsa aduxu. Kiwĩkĩ adaitiadu na auxũ tapipaudiwu wetsã yuidi: “Diaiwũ, kiwĩkĩ duku tapibawe. Juanpa na auxũ tapibiswu atu kiwĩkĩ tapibayabeaki”, wadi.

Lucas 2:37

wede dadi idi. Naskake na awĩwu iyubawa ipaudi. Awẽ wari ochenta y cuatro idi. Oración pexe meraduax kaĩpaudiba. Nadus ipaudi. Dios shinaxikĩ pikĩ tedepaudi. Dios kiwĩpaudi. Naskaxu pedata yabetari Dios yuduxupaudi.

Lucas 5:32

Na yurawawe na Diospa duiyai axikakĩ shinawaĩ atiruwu atu ẽ duduri ‘Ana chakayabaxikĩ shinakawe’, ẽ bai adu atu yuiyuiyudiba. Na yurawu chakabiswu naduri ẽ atu yuiyuiyudi”, Jesúspa atu wadi.

Lucas 5:34

Jesúspa atu kebadi: “Dukuwede awĩwu awe wianatu yurawu yuiyadu wetiruwu aweta fiesta waaxikadi. Na dukuwedemai nadu atuwe ike tsuãkai atu ‘Pikĩ tedekawe’, atu watiruba.