Lucas 5:17 - Yura porciones de la biblia

¹⁷ Wetsatiã Jesúspa yurawu atu tapibaidu nadu fariseowu tsauwa idiwu. Na dukuwedewawe na Diospa Moisés kedebadi yurawu atu tapibapaudiwuri naduri tsauwa idiwu. Atiri Galilea bai aduawu ipaudiwu. Atiri Judea bai aduawu ipaudiwu. Atiri pexe ichapa Jerusalén chaibaduawu ipaudiwu. Na bai rawe Galileawe Judea adu pexe ichapabawu ipaudiwu. Naatiiwi na pexe ichapabawu ariax weawu idi fariseowuwe na dukuwedewawe na Diospa Moisés kedebadi yurawu atu tapibapaudiwu. Diaiwu Dios uduax Jesúspa yurawu kayawatiru idi.

Lucas 5:17 Referans Kwoze

Lucas 6:19

Naskake naatiiwiwai Jesúspa awẽ saweti meepaidiwu naatumai naatiiwi atu kayawatiru uĩkakĩ.

Lucas 8:46

Naskawaitu Jesúspa yuidi: “Yurã ea rama. Na ẽ kawawatiru yurawu kayawaaxikĩ naa ewẽ kaya meraduax tsekeinakawadaitu ẽ beea”, wadi.

Juan 3:21

Na shina kayakawikui shinata ikawu naawu chaxai keskaraki wetiruwu Epa Diospa shinama atu axua uĩnuwu”.

Lucas 2:46

Ma tres peda ikadu oración pexe meradua wichidiwu. Na dukuwedewawe na Diospa Moisés kedebadi yurawu tapibapaudiwuwe Jesús tsauwa idi. Na dukuwedewawe yuiyaiwawe dikakĩ Jesúspa atu awarawu ñukai idi.

Lucas 15:2

Naskaiwawe uĩkaxu fariseowawe na dukuwedewawe na Diospa Moisés kedebadi yurawu atu tapibapaudiwaweriwi Jesús yuitiwadiwu: “Daatu yurawu chakabiswu iwitiru. Atuweta pitiru”, wadiwu.

Lucas 7:30

Fariseowuweta na dukuwedewawe na Diospa Moisés kedebadi yurawu tapibapaudiwawe “Ea bautizawawe”, Juan wadiwuba. Naskakaxu Diospa awẽ shina dikakaspadiwu.

Lucas 5:30

Fariseowuweta na dukuwedewawe na Diospa Moisés kedebadi yurawu tapibapaudiwawe Jesús yuitiwakakĩ na Jesúsuxũ tapipaudiwu yuidiwu: “¿Aweskawakĩ na dukuwedewawe naatiiwuna atũ diaiwu pei sapawu wixubiswuweta ma piime? Yura chakabis wetsawuwetariwi ma pii”, wadiwu.

Lucas 5:21

Naskawaitu dikakakĩ fariseowuweta na dukuwedewawe na Diospa Moisés kedebadi yurawu tapibapaudiwawe shinadiwu: “Da dukuwene ma Dios ichã. Yurã yurawu duduri yuitiruba: ‘Na mi chakabiswu aduri Diospa ana shinaiba’, atu watiruba”, idiwu.

Juan 3:10

Jesúspa kebadi: “Israeliwawe mi atũ maestro. Naawu mi tapiabame”, wadi.