Lucas 2:25 - Yura porciones de la biblia

²⁵ Jerusalén adu dukuwede awẽ ade Simeón idi. Na Diospa duiyai aaxikĩ Simeónpa shinawaĩ apaudi. Naatu “Dios bitsisipa”, raixu Dios dikapaudi. Israelpa awẽ rewuduwu atu axuxiwai ubiskuiyabanuwu naa Simeónpa badapaudi. Espíritu Santo nawe dia idi.

Lucas 2:25 Referans Kwoze

Lucas 1:6

Diospa atu uĩya na raweta na Diospa duiyai axikakĩ shinawaĩ apaudiwu. Naatiiwi na Diaiwu Diospa yurawu kekẽxu Moisés kedebadi naawu dikasharapaudiwu. Naskake tsuã atu ñuatiru ipaudiba.

Lucas 2:38

Ma Simeónpa María yuiyaidu Ana atuki udi. Anapa “Dios, ẽ biki idibai”, wadi. Na pedatii Jesús udua yurawu atu yuipaudi. Judíowawe badapaudiwu Diospa na Jerusalén adu ipaudiwu atu comprawanu awena inuwu. Na badapaudiwutii Anapa Jesús udua atu yuipaudi.

Lucas 1:41

“Me ui”, waitu Isabelpa dikaidu awẽ xakĩ meraduax Isabelpa awẽ wakẽ pitsikiniwuwadi. Naskaidu Diospa awẽ Espíritu Santo Isabelpa awẽ kaya mera ikidi.

Lucas 1:67

Diospa awẽ Espíritu Santo Juanpa awẽ apa Zacarías awẽ kaya mera ikidi. A mera ikiadu Zacaríaspa na Diospa duiyaikiri naduawu atu yuidi:

Génesis 6:9

Noé dukuwede sharakui ipaudi. Epa Dios dikakuipaudi. Yurawu nadu askayaidu tsua shara ipaudiba. Epa Dios dikakaspapaudiwu. Tsua Noé keskara ipaudiba.