Lucas 2:10 - Yura porciones de la biblia

¹⁰ Naskaiwawe na dai arixu Diospa tsai webistu atu yuidi: “Rateyabakawe. Ea dikakapu. Ẽ batu tsai sharakui yui uaki. Naa tsai dikai naatiiwi idibaxikadi.

Lucas 2:10 Referans Kwoze

Génesis 12:3

Miuxũ atiriwu ẽ atu sharawaxiwi. Na bia sharawaawu ẽ atu sharawaaxiwi. Na bia chakawaawu ẽ atu chakawaaxiwi. Miuxũ ẽ atu sharawaaxiwi na baitiixu ikawu”, Diospa wadi.

Lucas 1:30

Na dai arixu Diospa tsai webistu yuidi: “María, rateyabawe. Diospa bia sharawakui.

Lucas 8:1

Wetsatiã na yura ipaudiwu arixu Jesúspa Diospa tsai shara yurawu atu yuiwuwasawadi. Atu yuidi Dios yurawawe atũ diaiwu ipai. Naskaidu na dukuwede doce Jesúspa nichipaudi nawu awe wuwasadiwu.

Lucas 1:19

Na dai arixu Diospa tsai webistu kebadi: “Ẽ Gabriel. Na Dios ikadu ẽ ditiru. Naatu ea nichia mewẽ wake udua ẽ bia tsai shara yuinu. Me bia yuiya.

Lucas 1:13

Na dai arixu Diospa tsai webistu yuidi: “Beseyabawe, Zacarías. ‘Dios ea wake inawe’, mi Dios kiwĩyaitu ma bia dika. Mewẽ awĩ Isabelpa chipu wake dadewaidaka. Werunawake dadewaidaka. Ma kaĩyadu ‘Awẽ ade Juan’, waaxiwe.

Lucas 2:11

Datiã wake batu kaĩxua. Yurawu atu axunupukui ubiskuiyabanuwu. Naa Diospa kañawadi naatiiwuna atũ Diaiwu inu. Na Diaiwu. Na David ipaudi aduax kaĩya.