Lucas 1:76 - Yura porciones de la biblia

⁷⁶ Naskawata Zacaríaspa were yuidi: “Epã, yurawawe bia yuixikadi: ‘Naa tsuã winutiruba bitsisipatu awẽ profeta’, bia waaxikadi. Diaiwu Dios uyuabadu yurawu mi atu Diospa tsai yuixiwi Diaiwu Dios dukuxu atu yuiyaitu dikaxinuwu.

Lucas 1:76 Referans Kwoze

Juan 1:23

Juanpa atu kebadi: “Tsua ikabaduxu ẽ ui ewapatu batu yuibis: ‘Nuku Diaiwu uyuabadu itipinisharakawe’ ”, Diospa tsai yuipaudi Isaías Juanpa atu wadi.

Lucas 1:35

Na dai arixu Diospa tsai webistu yuidi: “Diospa awẽ Espíritu Santo bewe dia iki. Naa tsuã winutiruba bitsisipa bewe chaiba takea iki. Naskake na mewẽ wake kaĩxiwai udua yuikakĩ: ‘Naa Diosna. Naa Diospa Wake’, waaxikadi.

Lucas 1:32

Bitsisipa inupukui. Yurawawe yuinupukukadi: ‘Naa Diospa awẽ Wake. Naa tsuã winutiruba bitsisipatu awẽ Wake’, wanupukukadi. Diospa David diaiwu datukuiwadi. Naskari wakĩ Diospa Jesús diaiwu datukuiwanupukui.

Juan 3:28

Bawikui ma ea dikaita: ‘Ẽ Mesíasba’, batu waitu. ‘Ẽ reke ui taedi Jesús uyuabadu’.

Juan 1:27

Chipu ui naatu ea winua. Na bitsisipakui. Ẽ sharaba awẽ uibati ipana”, Juan idi.

Lucas 6:35

Na batu duikaspabiswu atu duikawe. Atu sharawakawe. ‘Ea nasuxinu’, itaba atu inayukawe. Naskake Diospa awara sharakuiwu batu inaxiwi. Na batu duikaspabiswu atu duikĩ Na Tsuã Winutiruba Bitsisipatu atiru maawawe aki iixiwi. Diospa yura chakawu atu sharawatiru. Na yurawu awara inaweke ‘Ẽ biki idibai’, wabiswubari atu sharawatiru.