Juan 9:16 - Yura porciones de la biblia

¹⁶ Atiri fariseowawe yuidiwu: “Da iskara aka Epa Diosnaba peda tedetitiã sábadowaidu ikũira waiba”. Naskaweke wetsawawe: “¿Aweskawaxume tsuã atiruba keskara atirume chakawixu?” ikadax awirasi ikũira watanadiwuba.

Juan 9:16 Referans Kwoze

Juan 10:19

Naa dikakadi judíowu atũ shina wetsa shinata wetsa shinata wadiwu.

Juan 7:43

Naskaweke Jesús udua aduri wisti shinadiwuba. Wetsa shinata wetsa shinata wadiwu.

Juan 7:12

Yurawawe yuitiwadiwu: “Naa dukuwede shara”. Wetsawawe yuikakĩ: “Baa. A dukuwede sharaba. Yurawu parabis”, wadiwu.

Juan 3:2

Yabe Jesús adu kaxu yuidi: “Maestrõ ma nu tapia Diospa bia nichidi mia duku tapibanu tsuã atiruba keskara mi atiru. Dioswe iyabaxu tsuãkai atiruba”, wadi.

Juan 15:24

Epa Diospa ea axuwaidu na tsuã atiruba keskara ẽ batu uĩbabis. Naskake ea duikaspakata ewẽ Epari duikaspakadi.

Juan 14:11

“Ẽ batu paraiba. Ea ikũira wakawe. Ewẽ Epawe nu naa wisti. Askara ma ikũira wayabaxu na tsuã atiruba keskara ẽ akaitu ea ikũira wakawe.

Juan 9:24

Judíowawe wexu ibis awiana ñukadiwu: “Duku yuikuiwe: ‘Epa Diospa ea kayawaa’. Ma nu tapia naa dukuwede chaka”, wadiwu.

Juan 6:52

Naskaitu dikakadi judíowu askawatanadiwu: “Aweskaxume da dukuwene awẽ dabi duku inatirume nu pinu”, idiwu.

Juan 5:36

Juanpa ẽ udua yuikuibis ewẽ Epa Dios awẽ tsai Juan winukuiya. Ewẽ Epã ea nichidi awẽ yudu apaiyai keskara ẽ axunu. Ẽ awara akai keskara uĩxu ma tapitiru Epa Diospa ea nichidi na ea yudubadai ẽ naatiiwi axunu.

Lucas 13:14

Naskawaidu sinagoga pexe kexebis ipaudi Jesúski sidadi “Sábadowaidu kayawaa”, raikax. Naatu na yurawu sinagoga pexe adua atu yuidi: “Seis peda nu yudutiru. Seis peda ikaidu wekawe Jesúspa batu kayawanu. Sábadowaidu kayai weyabakawe”, atu wadi.

Juan 2:11

Pexe ichapa Caná bai Galilea aduxu Jesúspa tsuã atiruba keskara sharakui atu uĩbadi a udua tapibiswawe. Naskaitu ikũira wadiwu.

Juan 5:10

Naskadu judíowawe uĩdiwu na dukuwede widibisbatu ma kayaxu awẽ rakati wiwaĩdi kaitu. Ñukadiwu: “Aweskakĩ mi rakati sábado mi wuikaime. Mewẽ rakati sábadowaidu mi wutiruba”, wadiwu.

Juan 7:23

Moiséspa kededi ma ikũira wanu sábadowiyaitu matu wake atũ wushki wichi ma xatebis. Aweskai ma iki sidaime sábadowaidu dukuwede ẽ kayawake.