Juan 5:18 - Yura porciones de la biblia

¹⁸ Naskake judíowawe Jesús aweskawaxuba retepaidiwu. Moiséspa kededi sábado yurawawe yudutiruba Jesúspa dukuwede kabisba kayawake. Naskatari Epa Dios keskara ita “Dios ewẽ Epa”, ikaitu.

Juan 5:18 Referans Kwoze

Juan 10:33

Judíowawe Jesús kebadiwu: “Na tsuã atiruba keskarauxũ nu bia ruwẽ tsakaiba. Mi Epa Dios tsaiki mi chanikui. Biwikui: ‘Ẽ Diosra’, mi iki”, wadiwu.

Juan 10:30

Ewẽ Epawe ẽ nu naa wisti”, Jesúspa atu wadi.

Juan 19:7

Judíowawe kebadiwu: “Nu tsai bitsisipakui nu aya. Nuku tsai bitsisipakui yuiya da dukuwede datiru. Jesús awi yuita ẽ Diospa Wakera ikita”, judíowawe wadiwu.

Juan 8:58

Naskaiwawe Jesúspa atu kebadi: “Ẽ batu yuikuinu. Abraham udiyabadu ma ẽ udia idi”, Jesúspa wadi.

Juan 14:23

Jesúspa kebadi: “Ea duita ewẽ tsai ikũira wake naa ewẽ Epa duinupukui. Ewẽ Epawe awe ipaxakĩ nu unupukui”, Jesús idi.

Juan 5:23

Yurawawe Epa Dios awẽ Wake idibaxukata na Apa idibaxuwai keskawakakĩ. Epa Diospa awẽ Wake idibaxukakĩba Apari idibaxutiruwuba na nichidi.

Juan 8:54

Jesúspa atu kebadi: “Ewi ẽ duinabea aakai awaba. Naskaweke na ea duiyai naa ewẽ Epa, ‘Naa nuku Dios’, ma wabis”, Jesúspa atu wadi.

Juan 7:19

Epa Dios tsai bitsisipa Moisés kededi. Naskaweke ma ikũira wapaiba. Aweskakĩ ma ea retepaime”, Jesúspa atu wadi.

Juan 7:1

Naskata bai Galilea Jesús kawasapaudi. Naskatari bai Judea adu ipaidiba judíowawe retepaixikakĩ wedayaiwudu.

Juan 5:16

Jesúspa sábadowaidu atu kayawadu dikakadax judíowawe Jesús yuikĩ chakawadiwu.

Juan 14:9

Naskaitu Jesúspa kebadi: “Ea ma tapiyuabame. Ea ma tapixu ewẽ Epari ma tapikerada. Aweskakĩ mewẽ Epa ea Uĩbawe ea mia waime”, Jesúspa Felipe wadi.

Juan 1:19

Na Juanpa awẽ tsai. Judíowawe atũ diaiwuwawe Jerusalén aduxu sacerdotewu levitawuri atu nichidiwu Juan ñukatanuwu: “Mi tsuame”, watanuwu.

Juan 5:15

Naskata naa dukuwede Jesúsbakidua kadi judíowu yui kai: “Jesúspa naatu ea kayawaa”, atu wadi.

Juan 5:17

Naskawaiwudu Jesúspa atu yuidi: “Ewẽ Epã naa pedatiiwi yuduwawaĩdi. Ewẽ Epã yuduwaidu ẽriwi yudui”, atu wadi.