Juan 4:34 - Yura porciones de la biblia

³⁴ Naskata Jesúspa atu yuidi: “Ewẽ Epa Diospa ea nichidi ẽ awẽ yudu shara ea abapaiyai keskara yuduxunu. Naa ẽ piyai keskara”, Jesúspa atu wadi.

Juan 4:34 Referans Kwoze

Juan 6:38

Ewẽ shinama na ẽ apaiyai aaxikĩ dai ariax ẽ udiba. Ewẽ Epã ea nichidi. Naskake ewẽ Epa awẽ shinama aaxikĩ ẽ bai adu udi.

Juan 5:30

Jesúspa atu yuidi: “Ewẽ shinama ẽ awa atiruba. Yura sharawumaikixu uĩta chakawumaiki. Na ewẽ Epã ea yudua ẽ atiru. Ẽ atu chakamaikixu uĩta sharamaikixu uĩyai na Ewẽ shinama ẽ awa atiruba. Na ea nichiditu ea yudua ẽ atiru.

Juan 17:4

Ẽ da bai aduxu awarawu ẽ atu uĩba mewẽ bitsisipa. Na mi duiyai keskara me aka.

Juan 19:30

Naskawaiwudu na vino wukax Jesúspa ayadi. Naskata: “Naatiiwi ma ika”, ita baikiri wepepakekawata Jesús dakaĩdi.

Juan 5:36

Juanpa ẽ udua yuikuibis ewẽ Epa Dios awẽ tsai Juan winukuiya. Ewẽ Epã ea nichidi awẽ yudu apaiyai keskara ẽ axunu. Ẽ awara akai keskara uĩxu ma tapitiru Epa Diospa ea nichidi na ea yudubadai ẽ naatiiwi axunu.

Juan 4:32

Jesúspa atu yuidi: “Na ẽ piyai ma tapiaba”,

Lucas 19:10

Dukuwene Wake udua yuikĩ ẽ udua ẽ batu yuinu. Dukuwene Wake yura chakawu uduax atu wedaiyuiyudi. Atu uduax ẽ udi na chakabiswu keskara uduax ubiskuipakexanuwuba”, Jesúspa atu wadi.

Lucas 15:10

Naskariai yura wisti chakabistu ana chakayabaxikĩ shinaidu aki na dai arixu Diospa tsai webiswu idibatiruwuki”, Jesúspa atu wadi.

Juan 6:33

Epa Diospa awẽ piti batu inatiru. Dai meraduax na udi. Yura naatiiwi na uduax ipatiruwu”, Jesúspa atu wadi.

Lucas 2:49

Jesúspa atu ñukadi: “¿Aweskakĩ ma ea wedawuwasawaame? ¿Ma tapiabame ewẽ Epa awẽ pexe adu ẽ itiru?” atu wadi.

Juan 8:29

Na ea nichidi naa ewe ika. Ewẽ Epã ea wani putabisba. Na duiyai keskara ẽ axubis”, Jesúspa atu wadi.

Juan 19:28

Naskata Jesúspa ma tapia idi na udua kedediwu ma ike. Epa Diospa tsai kedea keskarakui inu yuidi: “Ẽ dubi”, idi.