Juan 16:7 - Yura porciones de la biblia

⁷ Naskake ẽ batu yuikui ẽ kayabake Espíritu Santo batuki utiruba. Ẽ kaxu batuki Espíritu Santo nichinupukui.

Juan 16:7 Referans Kwoze

Juan 14:26

Ewẽ Epã Espíritu Santo yurawu awara shara tapibatiru nichinupukui ewẽ adeuxũ. Naatu awarawu batu tapibaidu na ẽ batu tapibabis ma shinanupukui”.

Juan 15:26

“Espíritu Santo ikũkui euxũ ewẽ Epã nichinupukui. Na ikũirawaawutii atu uduax rawanaibis uwaidu ẽ udua atu yuikuinupukui.

Juan 7:39

Jesúspa duduri atu yuidi. Na ikũirawaawu Espíritu Santoya ipadakawu. Jesúspa Espíritu Santo tsua inayuaba idi awẽ kaya sharayuabadu. Awẽ Apadu kaxu chipu Espíritu Santo atu inanupukui.

Lucas 24:49

Ea dikakapu. Na ewẽ Epã batu yuidi batu inayaxakĩ naa ẽ batuki nichixiwi. Da Jerusalén adu netekawe Espíritu Santo badaxikakĩ. Dai ariax uuxiwi na uduax maawu bitsisipa iixikakĩ. Na uduax bitsisipa ita Jerusalén adua ma tseketiru”, Jesúspa atu wadi.

Juan 14:28

“Ẽ yuiyaitu ma ea dika ẽ kaax awiana ẽ unupukui batuwe ikiyui. Ea ma dui ma idibatiru ewẽ Epa adu ẽ kaitu. Ewẽ Epã naatu ea winua.

Juan 14:3

Ẽ kaxu ẽ batu itipiniwaxuikai. Awiana uxũ ẽ batu iwiyuxiwi na ẽ ikadu batu iyuxikĩ ma ewe ipaxanu.

Lucas 9:27

Ẽ batu yuikuinu. Na dudu ewe diawawe atiriwawe dakaxuba uĩxikadi Dios yurawawe atũ diaiwu”, Jesúspa atu wadi.

Lucas 4:25

Profeta Elías ipauditiã tres wari ita seis uxe ui wediba. Israel bai adu ipaudiwutii wunaipaudiwu. Ẽ batu yuikui. Israel adu iyubawawu ichapa ipaudiwu.

Juan 16:8

Espíritu Santouxũ naatu da bai adua yurawu tapibanupukui yura chakabiswu ita yura chakabisba watura wetsawu Epa Diospa atu ubiskuibaxiwi”.