Juan 14:26 - Yura porciones de la biblia

²⁶ Ewẽ Epã Espíritu Santo yurawu awara shara tapibatiru nichinupukui ewẽ adeuxũ. Naatu awarawu batu tapibaidu na ẽ batu tapibabis ma shinanupukui”.

Juan 14:26 Referans Kwoze

Juan 15:26

“Espíritu Santo ikũkui euxũ ewẽ Epã nichinupukui. Na ikũirawaawutii atu uduax rawanaibis uwaidu ẽ udua atu yuikuinupukui.

Juan 14:16

Ewẽ Epa ẽ yuinupukui Espíritu Santo batu nichixunu naatu batu uĩti sharawaxunu naa batuwe ipaxanu.

Juan 16:7

Naskake ẽ batu yuikui ẽ kayabake Espíritu Santo batuki utiruba. Ẽ kaxu batuki Espíritu Santo nichinupukui.

Juan 2:22

Naa daax widixiwai auxũ tapibiswawe shinatadiwu na Jesúspa atu yuiwawaĩda. Naskata na Epa Diospa awẽ tsai kedea ikũira wadiwu na Jesúspa atu yuibis.

Lucas 24:49

Ea dikakapu. Na ewẽ Epã batu yuidi batu inayaxakĩ naa ẽ batuki nichixiwi. Da Jerusalén adu netekawe Espíritu Santo badaxikakĩ. Dai ariax uuxiwi na uduax maawu bitsisipa iixikakĩ. Na uduax bitsisipa ita Jerusalén adua ma tseketiru”, Jesúspa atu wadi.

Lucas 11:13

Ma chakawixu matu wake awara shara ma atu inatiru. Nuku Epa dai mera ikatu awara sharakuiwu yurawu inatiru. Yurawawe Espíritu Santoya iixikĩ Dios ñukayaiwawe atu inatiru”, Jesúspa atu wadi.

Lucas 1:41

“Me ui”, waitu Isabelpa dikaidu awẽ xakĩ meraduax Isabelpa awẽ wakẽ pitsikiniwuwadi. Naskaidu Diospa awẽ Espíritu Santo Isabelpa awẽ kaya mera ikidi.

Juan 20:22

Naskata atu yuidi: “Espíritu Santo wikawe”, atu wata atu xuũ adi.

Juan 6:45

Epa Dios tsai yuibistu awẽ tsai naskara yuidi: ‘Naatiiwi Diospa tapibadi’. Epa Dios awẽ tsai dikakata tapiawu ẽ adu weexikadi.

Juan 12:16

Taekui Jesús udua tapibiswawe tapipaudiwuba Jesús udua Epa Dios tsai kedea idi ma iwiyaitu. Ma Jesús daata ma widitadu a udua tapibiswawe shinatadiwu.

Juan 7:39

Jesúspa duduri atu yuidi. Na ikũirawaawu Espíritu Santoya ipadakawu. Jesúspa Espíritu Santo tsua inayuaba idi awẽ kaya sharayuabadu. Awẽ Apadu kaxu chipu Espíritu Santo atu inanupukui.

Lucas 1:67

Diospa awẽ Espíritu Santo Juanpa awẽ apa Zacarías awẽ kaya mera ikidi. A mera ikiadu Zacaríaspa na Diospa duiyaikiri naduawu atu yuidi:

Lucas 1:35

Na dai arixu Diospa tsai webistu yuidi: “Diospa awẽ Espíritu Santo bewe dia iki. Naa tsuã winutiruba bitsisipa bewe chaiba takea iki. Naskake na mewẽ wake kaĩxiwai udua yuikakĩ: ‘Naa Diosna. Naa Diospa Wake’, waaxikadi.

Lucas 1:15

Diaiwu Diospa mewẽ wake uĩxiwi bitsisipakui. Mewẽ wakẽ vino ayapakedakaba. Paekui ayapakedakaba. Kaĩyuabadu Espíritu Santo mewẽ wake mera ikiwaidaka.

Lucas 2:25

Jerusalén adu dukuwede awẽ ade Simeón idi. Na Diospa duiyai aaxikĩ Simeónpa shinawaĩ apaudi. Naatu “Dios bitsisipa”, raixu Dios dikapaudi. Israelpa awẽ rewuduwu atu axuxiwai ubiskuiyabanuwu naa Simeónpa badapaudi. Espíritu Santo nawe dia idi.

Juan 1:33

Ẽ tapidiba a tsuamaiki. Ene ẽ atu bautizawanu ea nichiditu ea yuidi: ‘Mi tapinupukui Espíritu Santo dai ariax uwaitu na riwi keskara awẽ texparakadu tsauwaitu naatu Espíritu Santopa bautizawatiru’.

Juan 14:25

“Ẽ batuwe iyuxu naawu ẽ batu yui.