Juan 13:23 - Yura porciones de la biblia

²³ Auxũ tapibis wetsa na Jesúspa duikuipaudi awẽ ade Juan piyaiwudu Jesúswe chaiba tsauwa idi judíowawe rakaxu pipaudiwu. Naskax ma weabiswu idi.

Juan 13:23 Referans Kwoze

Juan 19:26

Awa ikaidu na Jesúspa duipaudi na auxũ tapibis nadu chaiba idi. Uĩta Jesúspa yuidi awa: “Awĩwu da mewẽ wake iki”, wadi.

Juan 21:20

Naskawaidu Pedro texkeakekawã Juan wichidi akachiuri uwaitu. Juan Jesús udua tapibis naa Jesúspa duikuibis. Jesús reteyuawubadu auxũ tapibiswu atuweta piyudi. Juanpa Jesúswe pataxabexu ñukadi: “Diaiwũ tsuã bia achibaxiwime”, naatu wabis idi.

Juan 21:7

A udua tapibis Juan na Jesúspa duikuibis naatu Pedro yuidi: “Da nuku Diaiwu Jesús”, wadi. Juanpa waitu dikai Simón Pedro awẽ saweti yuduxikĩ peka saweta ede mera pakedi.

Juan 20:2

Naskata María ichuta Simón Pedro yawi na Jesúspa duipaudi Juan na auxũ tapibis atu chadiwai kai ichudi. Maríane rateyana atu yuidi: “Nuku Diaiwũ awẽ kaya ma tsekakaxu wakirara waawu nu tapiaba”, atu wadi.

Juan 11:36

Naskaitu judíowu iskadiwu: “Daatu duibis uĩkawe”, idiwu.

Juan 11:5

Jesúspa Marta duikuita udiwetsa María duikuita Lázarori duikui idi.

Juan 11:3

Lázaro pui raweta Maríaweta Martapa Jesús tsai wubadiwu: “Diaiwũ, na bewe rawebis mi duibis isiniki”, wadiwu.

Juan 21:24

Ẽ Jesús udua tapibis. Jesúspa awarawu akaitu uĩbixakĩ. Nu batu kedexui. Nu tapia naawu ikũkui naa tsai ma ikũira watiru.

Juan 13:25

Jesús chaibawata ñukadi: “Diaiwũ, ¿tsuã bia achibawaidakame?” wadi.

Juan 1:18

Tsuã Epa Dios uĩbisba. Naskaweke awẽ Wake wisti Jesús nawe ika. Naa Dios. Naatu duku tapibatiru awe keskaramaiki Epa Dios.

Lucas 16:22

Naskabixakĩ na dukuwede awaya ipaudiba dadi. Dake na dai arixu Diospa tsai webiswawe na awaya ipaudibatu awẽ weruñushi iwidiwu Abrahamwe pataxnawaxikakĩ. Na dukuwede awa yupaiba ipaudiriwi dadi. Baiwadiwu.

Juan 13:24

Simón Pedropa awẽ kexama betutadi: “Ñukawe tsua yuimaiki”, Simón Pedropa wadi na Jesúswe chaiba tsauwa idi.