25 Naskayaitu Jesúspa yuidi: “Dawiyaiwawe ẽ atu ibapaketiru. Naa ea ikũira waa dawiake ẽ widibatiru ewe ipaxanu.
Epa Dios awẽ Wake ikũira wakadax ipadakawu. Na Epa Diospa wake ikũirawaawuba ipadakawuba. Askataba Epa Diospa atu ubiskuibapakedaka”, atu wadi.
A uduax nu ipatiru na Jesús idi. Yurawu uduax ipatiru chaxayai na Jesús idi.
Epa Diospa yura daadu kayawata ibapaketiru. Awẽ Wake Jesúspari naskawatiru. Yura daadu kayawata ibapaketiru.
Ewẽ Epã na ea nichiditu axuyabaidu tsua ẽ udua tapibis itiruba. Ewẽ Epã na baitiu ma adaitiyaidu na ẽ udua tapibiswu awiana ẽ widinupukui Epa Dioswe ipaxanuwu.
Jesúspa atu yuidi: “Ẽ piti datukui. Na pikadax ipatiruwu. Iki uax ana tsua wudidakaba. Naa ea ikũira waawu ana dubidakaba.
Jesúspa kebadi: “Ẽ uduax ewẽ Epa adu ma dukutiru. Ẽ na waitapiakui keskara. Yurawu ẽ uduax ipatiruwu”, atu wadi.
Epa Dios dua yurawu naatiiwi diawu. Naskake awẽ Wakeriwi awẽ bitsisipa inadi yurawu naatiiwi widitiru.
Da bai aduxu ea ikũirawaawubawawe ea ana ma uĩyuuxiba. Naskaweke maawawe ea uĩxiwi. Ẽ dayuxiwi. Awiana ẽ widixikĩ.
Jesúspa kebadi: “Ẽ bia yuikui. Da pedata na sharashtakui adu na yurawu Dioswe ikawu adu mi ewe ikikai”, wadi.
Epa Diospa naatiiwi yurawu duikuikĩ awẽ Wake wisti nichidi. Naskake na ikũira waawutii ubiskuidakawuba. Chii ere mera wudakawuba. Awe ipadakawu.