Juan 1:17 - Yura porciones de la biblia

¹⁷ Epa Dios awẽ tsai bitsisipa Moiséspa kededi. Idibakata duinananuwu na ikũkui Jesucristo uduax idi.

Juan 1:17 Referans Kwoze

Juan 14:6

Jesúspa kebadi: “Ẽ uduax ewẽ Epa adu ma dukutiru. Ẽ na waitapiakui keskara. Yurawu ẽ uduax ipatiruwu”, atu wadi.

Juan 1:14

Na Tsai dukuwede udidi. Bai adu uax duku keskara ipaudi. Awẽ bitsisipa ma nu uĩdi. Awẽ wake wisti apã awẽ bitsisipa inadi. Duku duikuikĩ duku uĩbadi awẽ tsai ikũkui.

Juan 8:32

Naskaxu ikũkui kayakawi ma tapitiru. Ikũkui ma tapiax naatu batu ibasharapaketiru”, Jesúspa atu wadi.

Juan 7:19

Epa Dios tsai bitsisipa Moisés kededi. Naskaweke ma ikũira wapaiba. Aweskakĩ ma ea retepaime”, Jesúspa atu wadi.

Génesis 22:18

Miamai dikakuike na baitiixu ikawu awarawu shara wĩpadakawu mewẽ wakewuxu mewẽ kaiwuu uduax ichapanawã kaipakedakawuxuri”, wadi.

Juan 5:45

Ẽ batu ewẽ Epa ñuaxuiba. Askara shinayabakawe. Awara ma chakawake Epa Diospa Moisés tsai bitsisipa inadi. Naa ma ikũira wabis naatu matu chakawu ewẽ Epã ñuaxuxiwi.

Génesis 3:15

Epa Diospa rudu yuidi: “Awĩwuwe mi duikaspananapakedaka. Naskatari mewẽ kaiwuu uduax ichapanawãwu kaĩpakedakawu. Na awĩwawe awẽ kaiwuu uduaxri ichapanawãwu kaĩpakedakawu nawuwe duikaspananapakedakawu. Mewẽ bapuki bia peabadu awẽ tae chichukuki mi chachixiwi”, Epa Diospa rudu wadi.

Juan 9:29

“Ma nu tapia Epa Diospa Moisés tsai adi. Naa dukuwede nu tapiaba wakiax uame”, Judíowawe wadiwu.

Juan 18:37

Pilatopa kebadi: “Ikũme mi diaiwu”, wadi. Jesúspa kebadi: “Na ea mia yuiyai keskarakiã ẽ diaiwu. Naskake ẽ yurã wakekui kaĩdi tsai ikũkui atu yuixikĩ. Na tsai ikũkui dikapaiyaiwawe nawawe ea dikabiswu”, wadi.