Génesis 28:14 - Yura porciones de la biblia

¹⁴ Mewẽ kaiwuu uduax ichapanawã kaĩpakedakawu ichapakui ipadakawu na bishpu keskara tsuã tanatiruba. Nawu paxkanakadi na wari ubis ari ita wari kabiskiri na baitiixu adu iixikadi. Miuxũ yura baitiixu ikawu ẽ atu sharawaaxiwi mewẽ kaiwuunuax ichapanawã kaĩpakedakawuxuriwi.

Génesis 28:14 Referans Kwoze

Génesis 12:3

Miuxũ atiriwu ẽ atu sharawaxiwi. Na bia sharawaawu ẽ atu sharawaaxiwi. Na bia chakawaawu ẽ atu chakawaaxiwi. Miuxũ ẽ atu sharawaaxiwi na baitiixu ikawu”, Diospa wadi.

Génesis 26:4

Mewẽ kaiwuu uduax ichapanawã kaĩpakedakawu tsuã tanawatiruba na exteweruwutii inu. Da bai ẽ batu inaxiwi. Naskatari na baitiixu ikawu mewẽ kaiwuunuax ichapanawã kaĩpakedakawu awara shara ẽ atu inanupukui.

Génesis 22:18

Miamai dikakuike na baitiixu ikawu awarawu shara wĩpadakawu mewẽ wakewuxu mewẽ kaiwuu uduax ichapanawã kaipakedakawuxuri”, wadi.

Génesis 18:18

Abraham uduax awẽ kaiwuunuax ichapanawã kaĩpakedakawu bitsisipa ipadakawu. Naskatari na baitiixu ikawu nauxũ ẽ atu sharawanupukui.

Génesis 13:16

Naskatari ẽ aaxiwi bai putu tsuã tanawatiruba naatii mewẽ kaiwuu uduax ichapanawã kaĩpakedakawu inuwu.

Génesis 13:14

Chipu ma Lot kaadu Epa Diospa yuidi Abram: “Da mi ikaduxu da bai wixu uĩyakewe wari uwaikiri uĩta wari kaikiri uĩwe.

Génesis 32:12

Mia ea yuikuidi: ‘Ẽ bia sharawanupukui’, mia wadi. Naskatari ea mia yuidi: ‘Mewẽ kaiwuu uduax ichapanawã kaĩpakedakawu na enewane bishputii ipaxanu’, ea mia wadi tsuã tanatiruba”, Jacobpa Dios wadi.

Génesis 13:15

Da baiwu ẽ bia inai mewena ipaxanu na mewẽ kaiwuu uduax ichapanawã kaĩpakedakawunari.

Génesis 22:17

“Ẽ bia yuikui awara bia inaxikĩ. Mewẽ wakeuxũ mewẽ kaiwuunuax ichapanawã kaĩpakedakawu. Na exteweruwu keskara tsuã tanawatiruba naskara bishpu keskarariwi idakawu. Nawuwawe atũ duikaspabiswu atũ bai iwuwadakawu.

Génesis 48:16

Na ángelpa ewẽ chaka sharawaxua da pexku rawe atu sharawaxinu. Ewẽ ade shinapakexanuwu atuuxũ ewẽ epa Abrahamuxũ Isaacuxũri. Nawu uduax ichapakexanuwu na baitiixu ipaxanuwu”, wadi.

Génesis 48:19

Apã kebadi: “Ma ẽ tapia. Ma ẽ tapia. Dariwi atũ diaiwukui idaka. Naskaweke awẽ chipuketu iyua winuxiwi. Awẽ kaiwuunuax ichapanawã kaĩpakedakawu ichapa inupukukadi”, Jacobpa José wadi.