Génesis 12:7 - Yura porciones de la biblia

⁷ Canaán adu ikawawe naduxu atu yabawapaudiwu. Naduax Dios Abramki dukudi: “Mewẽ kaiwuu uduax ichapanawã kaĩpakedakawu da bai ẽ atu inaxiwi”, wadi.

Génesis 12:7 Referans Kwoze

Génesis 17:8

Da bai Canaán adu mi ika na mi yura wetsa keskara. Ẽ bia inata mewẽ kaiwuunuax ichapanawã kaĩpakedakawu ẽ inananupukui atuna ipaxanu”, Epa Diospa wadi.

Génesis 17:1

Abrampa awẽ wari ma noventa y nueve ikadu Dios aki dukuta yuidi: “Ẽ Dios bitsisipa. Ea ikũira wapaxawe chakataba.

Génesis 18:1

Epa Dios Abrahamki dukudi iwi awẽ ade Mamré adu awẽ yuina wichi tapas mera kaĩti adu tsauwadu mananawari wari paeyaidu.

Génesis 13:15

Da baiwu ẽ bia inai mewena ipaxanu na mewẽ kaiwuu uduax ichapanawã kaĩpakedakawunari.

Génesis 13:4

Abrampa nadu awẽ yuina wichi tapas wadi idi. Abrampa ruwe petsaidadi naduxu Epa Dios awara shara inaxikĩ naduxuriwi Epa Dios kiwĩxikĩ.

Génesis 13:18

Naskake Abram widinakawãdi. Awẽ yuina wichi tapasdi aduax kadi. Na pexe ichapa awẽ ade Hebrón iki kai kadi. Iwiwawe awẽ ade Mamré dii adu chaiba idi. Abrampa ruwe petsaidadi naduxu Dios awara shara inaxikĩ.

Génesis 32:30

Naskake Jacobpa nadu adedi awẽ ade Penuel, wadi. “Duduax ma ẽ Dioswe uĩnana ẽ dayuaba”, Jacob idi.

Génesis 26:25

Naskata Isaacpa awẽ yuina wichi tapasdi ruwe petsaidadi naduxu Dios idimaxuxikĩ. Naskatari awẽ yudubiswawe bai pukikaxu pozo wadiwu.

Génesis 12:8

Naskata machiwa na wari uwaikiri awẽ ade Betel ari kadi. Nadu awẽ yuina wichi tapasdi. Naskata Betel pexe ichapa wari kaikiri idi. Pexe wetsawawe awẽ ade Ai wari uwaikiri idi. Epa Dios wichibadu Abrampa ruwe petsaidadi naduxu Dios awara shara inaxikĩ Abram naduax Epa Dioswe tsaixikĩ.

Génesis 22:9

Ma Abraham awẽ wakewe dukukata na Diospa yuitadu Abrahampa taewadi ichawakĩ ruwewu petsaidaxikĩ amanauri karu kuwaxikĩ. Awẽ wake Isaac dexata karu mamakaya wadi.

Génesis 17:3

Naa dikai Abram baikiri wepepakekawãdi aũ duiyana. Naskayaitu Diospa yuidi:

Génesis 15:18

Naa pedata Diosweta Abrampa shinadiwu. Naskata Diospa yuidi: “Da bai ẽ mewẽ wedawu inai enewa Egipto adu xateta ede Éufrates adu atuna inu.

Génesis 33:20

Nadu ruwe petsaidadi naduxu Dios kiwĩxikĩ. Nadu Jacobpa adekĩ El-elohé-israel, wadi.

Génesis 28:13

Bipiti amanauri Diaiwu Dios dia idi. Naduxu yuidi: “Mewẽ xuta Abraham mewẽ epa Isaac ẽ atũ Dios. Da bai mi uxadu ẽ bia inaxiwi na mewẽ kaiwuu uduax ichapanawã kaĩpakedakawuri.

Génesis 26:3

Ẽ bia awara shara inanupukui. Da bai ẽ bia inata mewẽ kaiwuu uduax ichapanawã kaĩpakedakawuri. Na mewẽ epa Abraham ẽ axudi keskawaaxiwi.

Génesis 8:20

Naskadu xaxuwã meraduax kaĩta Noépa ruwewu petsaidaxu naa kabakixu yuina peiyawu nu pitiruwu sharakui Dios kuwaxudi inaxikĩ.

Génesis 24:7

Ewẽ epã pexe aduxu Epa Dios dai mera ikatu ea yuidi dudu ẽ unu. Da bai ewẽ kaiwuu ichapanawã kaĩpakedakawu inanupukui. Naskatari mi kayuabadu awẽ ángel biki rewu nichi ewẽ wake awẽ awĩ mi ewexunu.

Génesis 13:17

Kaxu uĩyakewe na bai awẽ chaidipa awẽ peta. Ẽ na bia inaiki”, Epa Diospa wadi.

Génesis 28:4

Epa Diospa bia sharawata mewẽ kaiwuu uduax ichapanawã kaĩpakedakawu na Abraham sharawadi keskawakĩ. Iskaratiã da bai batunaba chipu batuna inupukui na Abraham Diospa inadi keskawakĩ”, Isaacpa Jacob wadi.

Génesis 35:7

Ruwe petsaidaxu nadu adedi El-betel, wadi. Betel wakĩ “Epa Dios awẽ Betel”, idi. Nadu Epa Dios aki dukudi awẽ uchiki besekaĩdi ichuadu.

Génesis 35:12

Na bai ẽ Abraham inadi naskatari ẽ Isaac inadi naa bai ẽ bia inai. Mewẽ kaiwuunuax ichapanawã kaĩpakedakawu ẽ bia inanupukui”, Epa Diospa Jacob wadi.

Génesis 50:24

Peda wetsa Josépa awẽ udiwetsawu atu yuidi: “Ẽ awetiãra ẽ dai. Naskatari da bai aduxu Epa Diospa batu nichinupukui rewu Abraham Isaac Jacob atu yuiyudi adu”, Josépa atu wadi.