Génesis 10:32 - Yura porciones de la biblia

³² Nawu Noépa awẽ kaiwuu uduax ichapanawã kaĩpakedakawu. Naskax baiwutii ichapa kaĩdiwu. Nawu bai wetsawuya idiwu. Enewa daxadu chipu paxkadiwu. Naskax baiwutii paxkakadax yura wetsa keskara idiwu.

Génesis 10:32 Referans Kwoze

Génesis 9:19

Naa tres Noépa wake idi. Naawuweta awiana na baitiixu wake ichapa kaĩwadiwu.

Génesis 10:1

Nawu Noépa awẽ wakewu Sem Cam Jafet nawawe atũ kaiwuu uduax ichapanawã kaĩpakedakawu. Enewa ma daxaitadu wake adiwu.

Génesis 10:25

Naskadu Éber wake raweya idi. Naskaxu wetsa adedi Péleg. Péleg iyuatiã baitiixu paxkanadiwu taediwu. Awẽ extu awẽ ade Joctán.

Génesis 10:20

Campa awẽ kaiwuu uduax ichapanawãwu kaĩpakedakawu. Na baitiu awẽ kaiwuuya atũ bai aduax atũ tsaima ipaudiwu.

Génesis 9:7

Naskake wake ichapa akawe baitiixu adu inuwu”, Diospa Noé yuidi.

Génesis 9:1

Diospa tsai shara Noé yuidi awẽ wakewuya. Tsai iskara atu yuidi: “Wake ichapa akawe baitiixu adu inuwu.

Génesis 10:31

Nawu Sempa awẽ kaiwuu uduax ichapanawã kaĩpakedakawu. Bai wetsa xuku wetsawu tsai wetsaya atũ bai aduax idiwu.

Génesis 11:1

Naatiã na tsai wistichi tsaipaudiwu.

Génesis 10:5

Jafet awẽ kaiwuu uduax ichapanawã kaĩpakedakawu enewa ketukunu ipaudiwu. Naduax atũ bai aduax atũ tsai wistichi tsaipaudiwu.