तितस 3:9 - मध्‍य पुरविया थारू

⁹ महज बेरथके बात, बंसाबली, फुट लाबैबला आ धरम-नियमके झगरासबसे दुरे रह। कथिलेत यि काम नै लागैबला आ बेरथके बात चियै।

तितस 3:9 Referans Kwoze

२ तिमोथी 2:14

तिमोथी, यि बात तु ओइसबके बात-बातमे झगरा नै कर कैहके परमेस्‍वरके सामनेमे सम्‍झा। झगरासे ककरो भलाइ नै हैछै, बरु सुनैबला लोकसबके बिगारैछै।

२ तिमोथी 2:23

महज मुरुख आ बेकारके तरक-बितरकसे दुरे रह, कथिलेत तोरा थाह छौ कि, एहेन बातसे लराइ-झगरा उतपन हैछै।

१ तिमोथी 4:7

तु इस्‍वरहिन आ अरथहिन खिसा-पिहानी सबसे दुर रह। बरु परमेस्‍वरके पसिन परैबला जिबन जियैके कोसिस कर।

२ तिमोथी 2:16

महज तु परमेस्‍वरके अपमान करैबला आ काम नै काजके बातसे दुर रह, कथिलेत एहेन बात लोकसबके परमेस्‍वरसे दुर ल्‍याजाइछै।

तितस 1:14

उसब यहुदीसबके बनोतरी बात-कथा नै सुनौक आ जे लोकसब सतके इन्‍कार करैछै, ओइसबके आग्‍या मान्‍बे नै करौक।

१ कोरन्‍थी 8:1

आब हम मुरुतिके चरह्‍याल खाइबला चिजके बारेमे कहैचियौ। अपनासब जान्‍बे करैचियै कि, अकर बारेमे अपनासब सङे ग्‍यान छै। ग्‍यान लोकके घमन्‍डी बनाबैछै महज परेम लोकके उन्‍नती कराबैछै।

१ कोरन्‍थी 13:2

हमरसङे अगमबानी बोलैबला बरदान छै आ सब रहस आ सब किसिमके ग्‍यान बुझैले सक्‍बै आ पहार हटाबे सकैबला पुरा बिस्‍बास हमरसङे छै, महज हमरमे परेम नै छै त, हम किछो नै चियै।

याकुब 4:1

तोरासबके बिचमे लराइ आ झगरासब कोन बातसे आनैछौ? कि यि सब तोहर देहके भोगबिलासके अभिलासासे नै आबैछौ, जे तोरासबके भितरमे सङघर्‌स करैत रहैछौ?