तितस 3:8 - मध्‍य पुरविया थारू

⁸ यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

तितस 3:8 Referans Kwoze

तितस 3:14

आपन लोकसब असल काममे लागल रहे, ताकी आवसयक परल समयमे सहायता देबे सके आ बेरथमे जिबन नै जिये।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

तितस 1:9

ओकरा सिख्‍याल बिस्‍बासयोग्‍य बचनमे अस्‍थिर रहेपरतै ताकि औरोकेभी यि सतके बचनसे उत्‍साह देबेसकेबला हेबे आ यि सतके बचनसे बिरोध करैबलासबके सेहो गल्‍ती देखाइबला हेबे।

तितस 3:1

सासक आ अधिकारीसबके अधिनमे रैहके ओइसबके बात माने परैछै कैहके आपन बिस्‍बासीसबके सिखा। भलाइके सब काममे हरदम तैयार रहेपरैछै कैहके सम्‍झा-बुझ्‍हा।

१ पतरुस 1:21

ओकरेसे तुसब परमेस्‍वरमे बिस्‍बास करलिही, जे ओकरा मरलसे जिबित करल्‍कै आ ओकरा महिमा देल्‍कै, तैल्‍याके तोरासबके आपन बिस्‍बास आ भरोसा परमेस्‍वरमे रहे।

१ तिमोथी 1:15

यि बात सत चियै आ सुइकार योग्‍य छै कि येसु खिरिस्‍ट पापीसबके बचाइके लेल अइ सन्‍सारमे एलै। ओइ पापीसबसे बेसी पापी हम चियै।

रोमी 4:5

कोनो लोक धरम-करममे नै महज पापी लोकसबके छमादैबला परमेस्‍वरमे बिस्‍बास करैछै त वह्‍या बिस्‍बासके कारन परमेस्‍वर ओकरा धरमी ठहराइछै। यि त परमेस्‍वरके दान चियै।

युहन्‍ना 12:44

येसु जोरसे कहल्‍कै, “जे हमरा बिस्‍बास करैछै, उ हमरा मातरे नै, महज हमरा पठाइबलाके बिस्‍बास करैछै।

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

फिलेमोन 1:11

उ तोहर लेल पहिने काम नै लागैबला भेल छेलौ महज अखुन उ तोहर आ हमर दुनुगोराके लेल काम लागैबला लोक भेलछै।

२ कोरन्‍थी 4:13

“हम बिस्‍बास करलियै, ओहैसे हम बोललियै” कैहके पबितर धरमसास्‍तरमे लिखैबला लोके जखा हमरोसबमे बिस्‍बासके आत्‍मा भेलाके कारन हमसबसेहो बिस्‍बास करैचियै आ बोलैचियै।

परेरित 12:15

महज उसब ओकरा कहल्‍कै, “तु बत्‍ही चिही।” महज उ जिद कैरके कहल्‍कै साँचोके पतरुसे छेलै। तब उसब कहल्‍कै, “उ पतरुसके हेरचाह करैबला स्‍वरगदुत हेतै।”

एफिसी 4:28

जे चोराबैछै आबसे उ चोरी नै करे। बरु मेहनत कैरके आपने हाथसे कमाबे आ अभाबमे परलहासबके मदत करैले सके।

१ तिमोथी 2:8

तैदुवारे हरेक ठाम जते आराधना हैछै, ओते पुरुखसब बिना रिस-खिस आ बाद-बिबाद आपन पबितर हाथ उठाके परथना करे कैहके हम चाहैचियै।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

हिबरु 10:24

अपनासब एक-दोसरके परेम आ असल कामके लेल कनङके उत्‍साह दैले सक्‍बै ओइ बातमे धियान दैले परतौ।

मतीके लिखल सुसमाचार 20:4

तब उ ओइसबके कहल्‍कै, ‘तुसब हमर अङगुर बारीमे काम करैले जो, जे उचित हेतै से हम तोरासबके देबौ।’