तितस 3:7 - मध्‍य पुरविया थारू

⁷ जै कारन ओकर अनुगरहसे धरमी भ्‍याके अपनासब असा करल अनन्‍त जिबनके हकदार बैन सकी।

तितस 3:7 Referans Kwoze

रोमी 8:17

हमसब परमेस्‍वरके बेटा-बेटी चियै त ओकर हकबला सेहो चियै, परमेस्‍वरके हकबला आ खिरिस्‍टसङे सझिया हकबला हेबै। यदि हमसब खिरिस्‍टसङे दुख-कस्‍ट भोग्‍बै त ओकरेसङे आदर-सम्‍मानमे सेहो सहभागी हेबै।

रोमी 3:24

महज परमेस्‍वरके अनुगरहसे खिरिस्‍टमे बिस्‍बास करैबला लोकसबके मङनिएमे पापसे धरमी ठहराइल्‍कै।

तितस 2:11

कथिलेत परमेस्‍वरके अनुगरह सब लोकसबके मुक्‍ती दैले परकट भेल छै।

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

तितस 1:2

उ बिस्‍बास आ ग्‍यान अनन्‍त जिबन पाबैके आसमे अरल छै, यि जिबन कहियो झुठ नै बोलैबला परमेस्‍वर सन्‍सार सिरिस्‍टी हैसे पहिने अपनासबके दैले परतिग्‍या करने छेलै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

गलाती 2:16

तैयो लोक बेबस्‍था पालन कैरके धरमी नै ठहरैछै महज खिरिस्‍ट येसुमे भेल बिस्‍बास दुवारा धरमी ठहरैछै कहैबला बात जाइनके हमसब आपनेसे सेहो बेबस्‍थाके काम दुवारा नै बरु खिरिस्‍टके बिस्‍बास दुवारा धरमी ठहरलचियै कैहके येसु खिरिस्‍टमे बिस्‍बास करलियै कथिलेकी बेबस्‍थाके काम दुवारा कोइयो नै धरमी ठहरल जेतै।

रोमी 11:6

यि त परमेस्‍वरके अनुगरहसे भेल छै, धरम-करमसे नै, नै त परमेस्‍वरके अनुगरह बेरथ हेतियै।

गलाती 3:29

यदि तुसब खिरिस्‍टके चिही त अबराहमोके सन्‍तान चिही आ परमेस्‍वरके परतिग्‍या बमोजिम हकबला सेहो चिही।

रोमी 4:16

ओहैसे परमेस्‍वरके परतिग्‍या बिस्‍बास दुवारा पाबैबलाके यि ओकर अनुगरहमे भर परैछै। यि परतिग्‍या बेबस्‍था पालन करैबला अबराहमके सन्‍तानसबके लेल मातरे नै महज अबराहम जखा बिस्‍बास कैरके जियैबलासबके लेल चियै, कथिलेत अबराहम सबके पुरखा चियै।

रोमी 3:28

बेबस्‍था पालन कैरके नै महज खिरिस्‍टमे बिस्‍बास कैरके मातरे परमेस्‍वरके अगा धरमी ठहराबैछै से बात हमसब जानैचियै।

१ पतरुस 3:7

तहिनङे घरबलासब, आपन-आपन घरबालीसबसङे बिचारसिल भ्‍याके रह आ ओइसबके अबला माइनके आदर कर। मनमे याद राख कि तोहरे जखा अनन्‍त जिबनके बरदानमे सहभागी छौ। अनङ करबिही त तोरासबके परथनामे कोनो किसिमके बाधा नै परतौ।

हिबरु 11:9

अबराहमके बिस्‍बास भेलाके कारन परमेस्‍वरके परतिग्‍या करल, नै देखलहा देसमे उ गेलै आ परदेसी जखा पाल टाइङके बसोबास करल्‍कै। ओहिनङे परमेस्‍वर इसहाक आ ओकर बेटा याकुबके सेहो हकदारके परतिग्‍या करल्‍कै आ उहोसब ओहिनङे पाल टाइङके बसोबास करल्‍कै।

हिबरु 11:7

बिस्‍बास करलाके कारनसे नोआ परमेस्‍वरके चेतावनीके सुनल्‍कै। कहियो नै देखल महज पाछु आबैबला घटनाके बारेमे परमेस्‍वर ओकरा कहने छेलै। नोआ परमेस्‍वरके बात माइनके काठके एकटा बरका पानी जहाज बनेल्‍कै आ ओइमे ढुइकके आपन परिबारके बचेल्‍कै। आपन बिस्‍बास दुवारा नोआ सन्‍सार गलत छेलै कैहके देखेल्‍कै तब उ बिस्‍बास दुवारा अपना धरमी लोक ठहरलै।

हिबरु 6:17

परमेस्‍वरके परतिग्‍या पाबैबला लोकसबके उ आपन करल परतिग्‍या पक्‍का छै आ कहियो नै बदलतै कैहके देखाबैके लेल उ किरिया खेल्‍कै।

गलाती 4:7

तैखातिर आबसे तुसब नोकर नै, महज परमेस्‍वरके बेटा चिही आ बेटा चिही त हकबला सेहो चिही।

रोमी 4:4

काम-काज करैबलाके बोइन देल जाइछै। उ बोइन दान नै चियै महज पसिनाके कमाइ चियै।

तितस 2:13

अकर सङे-सङे, अपनासब आसा करल बात पुरा हैबला दिनके रस्‍ता ताकैचियै, उ दिन अपनासबके महान परमेस्‍वर आ मुक्‍ती दैबला येसु खिरिस्‍ट आपन महिमामे परकट हेतै।

मतीके लिखल सुसमाचार 25:34

तकरबाद रजा आपन देहना कात ठारभेल लोकसबके कहतै, ‘हे हमर पितासे आसिरबाद पाबल लोकसब! ओइ राजके भोगबिलास करु, जकरा सन्‍सारके उतपतीएसे तोरासबके लेल तैयार करने छै।

मरकुस 10:17

जब येसु रस्‍तामे जाइछेलै तब एकटा लोक दौरके ओकर अगा एलै आ ठेङहुनिया दैत कहल्‍कै, “हे असल गुरु जी, अनन्‍त जिबन पाबैले हमरा कथी करेपरतै?”

२ थेसलोनिकी 2:16

आब अपनासबके परभु येसु खिरिस्‍ट आ अपनासबके परमेस्‍वर पिता अपनासबके परेम करल्‍कै। उ आपन अनुगरहसे अनन्‍त उत्‍साह आ असल आस देल्‍कै।

हिबरु 1:14

स्‍वरगदुतसब त परमेस्‍वरके सेबा करैबला आत्‍मासब चियै। परमेस्‍वर ओकरासबके मुक्‍ती पाबैबला लोकसबके सहायता करैके लेल पठाइनेछै।