तितस 3:2 - मध्‍य पुरविया थारू

² उसब ककरो बदनाम नै करे, लराइ-झगरा नै करे महज सब लोकसबसङे मिलजुइल असल बेबहार करे।

तितस 3:2 Referans Kwoze

एफिसी 4:31

मनमे खराब बात नै ले, झै-झगरा आ रिस नै कर। अपमान करैबला बात नै बोल, सब किसिमके दुस्‍मनी त्‍यागदहै।

एफिसी 4:2

सबदिन नर्‌म, सोझ आ धिरजी भ्‍याके एक-दोसरके परेम कर।

१ तिमोथी 3:3

महज उ मारपिट नै करैबला, दाखमध नै पिये बला, रिस नै करैबला, सान्‍त स्‍वभाबके आ पैसाके लोभ नै करैबला हैकेचाही।

१ पतरुस 3:10

कथिलेकी पबितर धरमसास्‍तरमे एहेन लिखलछै, “जे खुसि जिबन बिताबैके चाहना करैछै आ असल दिन देखैले चाहना करैछै से आपन जिहसे खराब बोली बाजैसे आ आपन ठोरसे छली बात बाजैसे दुर राखे।

१ पतरुस 3:8

अन्‍तमे हम यि कहैले चाहैचियौ, तुसब एके मनके हो, एक दोसरके पिर मरका बुझ, एक दोसरके भाइ दाखिल माइनके परेम कर। तुसब दयालु आ नम्‌र बन।

याकुब 4:11

हे भाइ-भैयासब, तुसब एक-दोसरके बिरोधमे खराब बात नै बोल। जे आपन भाइके बिरोधमे खराब बात बोल्‍तै या आपन भाइके दोख लगाइतै, उ बेबस्‍थाके बिरोधमे बोल्‍तै आ बेबस्‍थाके दोस लगाइतै। यदि तु बेबस्‍थाके दोसी ठहराइचिही त, तु बेबस्‍थामे लिखल अनुसार नै चलैचिही, महज तु आपनेके बेबस्‍थासे बेसी अधिकार भेल नियायधिस सम्‍झैचिही।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

मतीके लिखल सुसमाचार 11:29

हमर जुवा आपन उपर उठा आ हमरसे सिख, कथिलेत हम दयालु आ नरम हिरदयके चियौ, तब तोरासबके आत्‍माके बिसराम मिल्‍तौ।

१ पतरुस 2:1

अहैलेल तुसब दुस्‍टतासे, छल-कपटसे, सब डाहसे आ सब निन्‍दासे दुरे रह।

याकुब 3:17

महज स्‍वरगसे आबैबला बुइध त सबसे पहिने असल हैछै, तकरबाद उ सान्‍ती दैबला, नम्‌र, बिचारसिल आ दयासे भरल रहैछै आ असल कामसे परकट हैछै। अइमे पक्‍छपात करैबला बात आ छलकपट करैबला बात नै रहैछै।

गलाती 6:10

तैखातिर मौका भेटैत मातर सबकोइके भलाइ कैरते चल, खास कैरके खिरिस्‍टमे बिस्‍बास करल परिबारसबके।

गलाती 6:1

हे हमर पिरिय भाइ-भैयासब, यदि कोनो लोक पापके जालमे परलछै, से जाइनके तोरासबमे जे आत्‍मिकी चिही, तुसब ओकरा नम्‌र भ्‍याके सुधार। तेहन काममे आपनो होसियार रह, नै त तुहुसब परिक्‍छामे परबिही।

१ तिमोथी 3:11

तहिनङ कैरके ओकरासबके घरबालीसब सेहो आदर पाबैबाली हैके चही। उसब दोसरके बदनाम नै करैबली, आपनके बसमे राखैबाली आ सब बातसबमे बिस्‍बास योग्‍य हैलेपरतै।

१ थेसलोनिकी 2:7

महज जहिने माँ आपन बालबच्‍चाके देखभाल करैछै, तहिने कैरके हमसब सेहो तोरासबसङे नरमसे बेबहार करलियौ।

फिलिप्‍पी 4:5

तुसब सब लोकसङे असल बेबहार कर। परभु जल्‍दिए आइबरहल छौ।

१ कोरन्‍थी 9:19

हम लोकसबसे स्‍वतन्‍तर चियै तैयो बहुतो गोरेके खिरिस्‍टमे आनैले सकी कैहके सबके लेल हम आपनेके दास बनेलियै।

२ कोरन्‍थी 12:20

कथिलेत हम तोरासबलग भेट करैले एबौ त हमर आस करल जखा नै हेबौ आ तोरासबके आस करल जखा हम नै हेबौ कि से हमरा डर लागल छै। तोरासबके बिचमे झगरा करैबला, डाह करैबला, रिस करैबला, आपने भलाइ चाहैबला, बदनाम करैबला, घमन्‍ड आ गोलमाल करैबलासब भेटतै कि कैहके हमरा डर लागल छै।

२ कोरन्‍थी 10:1

हम पावल, तोरासबके सामने डरपोक चियै, महज दुर रहैबेर हम तोरासब परती साहसी हैचियै कैहके तोरासबके बिचमे हल्‍ला चललछै कहाने। खिरिस्‍टके नम्‌रता आ दयासे हम तोरासबके बिन्‍ती करैचियौ कि,

परेरित 23:5

तब पावल जबाफ देल्‍कै, “भाइसब, हमरा थाह नै छेलै कि उ परधान पुजारी चियै। धरमसास्‍तरमे लिखल छै, ‘तु आपन परजाके सासकके बिरोधमे नै बोल।’”

यहुदा 1:10

महज यि लोकसब त आपनेसे नै बुझहल बातके मजाक करैछै। ओइसबके बुइध त जानबर जखाछै आ उसब ओहै कारन नास हेतै।

यहुदा 1:8

ओहिनङे तोरासबके बिचमे सामेल भेल्‍हासब ओहिनाइतेछै। उसब आपन सपनाके पछा लाइगके आपन देहके असुध बनाइछै, परमेस्‍वरके अधिकारके इन्‍कार करैछै, स्‍वरगके परानिसबके अपमान करैछै।

२ पतरुस 2:10

खास कैरके, एहेन लोकसब जे असुध करैबला कामबासनामे डुबलरहैछै आ परमेस्‍वरके अधिकारके अपहेलना करैछै। ओहेन झुठा गुरुसब ढिठ आ घमन्‍डी हैछै आ स्‍वरगिय परानिसबके निन्‍दा करैले नै डराइछै।

१ पतरुस 4:4

आब तुसब निरलज जिबन नै बिताइचिही से देखके उसब छक परैछै आ तोरासबके बदनाम करैछौ।

१ कोरन्‍थी 6:10

चोरसब, लोभ करैबलासब, पियक्‍करसब, निन्‍दा करैबलासब आ लुटपाट करैबलासब परमेस्‍वरके राजके हकदार हैले नै सक्‍तै।