तितस 3:15 - मध्‍य पुरविया थारू

¹⁵ अते हमरसङे भेल सब लोकसब तोरा गोरलगी पठाइनेछौ। हमरासबके परेम करैबला ओते भेल खिरिस्‍टीयन भाइ-भैयासबके सेहो गोरलगी कैहदहै। परमेस्‍वरके अनुगरह तोरा आ औरो सब गोरासङे रहे।

तितस 3:15 Referans Kwoze

हिबरु 13:25

परमेस्‍वरके अनुगरह तोरासबसङे रहे। आमेन।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

कलस्‍सी 4:18

हम पावल, यि गोरलगी आपने हाथसे लिखैचियौ। हम जहलमे परलचियौ से बात नै बिसर। परमेस्‍वरके अनुगरह तोरासबसङे रहे।

गलाती 5:6

खिरिस्‍ट येसुमे नै त खतनाके नै त बेखतना कोनो मोल छै। महज एकेटा बातके मोल छै, उ यि चियै, अपनासब बिस्‍बासके कारन एक-दोसरके परेम करैचियै।

३ युहन्‍ना 1:1

हम मन्‍डलीके एल्‍डर युहन्‍नाके तरफसे, हमर पिरिय सङी गायसके यि चिठी लिखैचियै, जकरा हम साँचोके परेम करैचियै।

फिलेमोन 1:5

कथिलेकी परभु येसुमे करल तोहर बिस्‍बासके बिसयमे आ परमेस्‍वरके जनसबमे करल तोहर परेमके बारेमे हम सुनैतरहैचियौ।

२ तिमोथी 4:22

परभु तोहर आत्‍मामे बास करैत रहे। तोरासबके उपर परमेस्‍वरके अनुगरह बनल रहे।

१ तिमोथी 1:2

बिस्‍बासमे हमर साँचोके बेटा तिमोथीके चिठी लिखरहलचियै। अपनासबके परमेस्‍वर पिता आ परभु येसु खिरिस्‍टसे तोरा अनुगरह, किरपा आ सान्‍ती मिले।

१ कोरन्‍थी 16:23

परभु येसु खिरिस्‍टके अनुगरह तोरासबसङे रहे।

मतीके लिखल सुसमाचार 5:47

आ तुसब आपन भाइ-बहिनसबके मातरे गोरलगी करैचिही त औरोसबसे बेसी कथी करलिही? कि गैर-यहुदीके लोकसब अहिनङ नै करैछै?

परेरित 20:34

तोरासबके थाहे छौ कि, हम आपन हाथके मेहनतसे आपन आ सङे रहैबला सङिसबके जरुरत पुरा करलियै।