तितस 3:1 - मध्‍य पुरविया थारू

¹ सासक आ अधिकारीसबके अधिनमे रैहके ओइसबके बात माने परैछै कैहके आपन बिस्‍बासीसबके सिखा। भलाइके सब काममे हरदम तैयार रहेपरैछै कैहके सम्‍झा-बुझ्‍हा।

तितस 3:1 Referans Kwoze

मतीके लिखल सुसमाचार 22:21

उसब येसुके कहल्‍कै, “यि त रोमी सरकारके चियै।” तब येसु कहल्‍कै, “तैखातिर जे सरकार के चियै से सरकारके दहै आ जे परमेस्‍वरके चियै से परमेस्‍वरके दहै।”

हिबरु 13:21

तोरासबके हर परकारके असल गुनसबसे भरिपुरन करे आ तुसब ओकर इक्‍छा पुरा करैले सक। परमेस्‍वरके जे मन परैबलाछै से येसु खिरिस्‍ट दुवारा उ तोरासबमे करे। ओकर महिमा जुगो जुग तलिक रहे। आमेन।

२ तिमोथी 2:21

यदी कोनो लोक आपनके खराब कामसे सुध राखैछै त, उ आदरके जोग कामके खातिर एकटा भँड़िया बन्‍तै। कथिलेत उ आपने सुध राइखके सब असल कामके खातिर मालिकके मनपरैबला हेतै।

२ तिमोथी 1:6

तै खातिर हम तोरा याद कराइले चाहैचियौ कि, हम तोहर उपर हाथ राखै बखत जे बरदान परमेस्‍वर तोरा देने छेलौ, तकर पुरा सदउपयोग कर।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

१ तिमोथी 4:6

यदी तु यि सिक्‍छा औरो बिस्‍बासी जनसबके सिखाइबिही त, तु पालन करैत एल सिदान्‍त आ बिस्‍बासके बचनमे बौकार भ्‍याके येसु खिरिस्‍टके असल सेबक हेब्‍ही।

१ तिमोथी 2:2

रजा आ हाकिमसबके लेल परथना कर ताकि हमसब सुख सान्‍तीसे परमेस्‍वरके भक्‍ति करे आ आदरके जिबन बिताबे सकी।

१ कोरन्‍थी 15:58

तैखातिर हे हमर पिरिय भाइ-भैयासब, बिस्‍बासमे बलगर आ अस्‍थिर रह। तुसब परभुके काममे बरहैत जो, कथिलेत तुसब जानैचिही कि परभुमे तोरासबके मेहनत बेरथ नै हेतौ।

२ पतरुस 1:12

तुसब यि सब बात जान्‍बे करैचिही आ तोरासबके सिख्‍याल सत बातमे अस्‍थिर चिही तैयो हम यि सब बात तोरासबके हरदम याद दिलाइते रहबौ।

तितस 3:8

यि बातसब साँचोके चियै। हम चाहैचियै कि अइ बातसबमे जोर दिय, ताकि जे परमेस्‍वरमे बिस्‍बास करने छै उसब असल काममे धियान देबे। कथिलेकी यि सब लोकसबके लेल असल आ फाइदाके बात चियै।

कलस्‍सी 1:10

तब तुसब परभुके मनपरैबला जिबन बिताके ओकरा खुसी करैले सकबिही। सब असल काममे तुसब फल फराइत परमेस्‍वरके ग्‍यानमे बैढते जेब्‍ही।

फिलिप्‍पी 1:11

परमेस्‍वरके महिमा आ परसन्‍साके लेल येसु खिरिस्‍टसे आबैबला धारमिकताके फलसे तुसब भरिभराउ हो।

एफिसी 2:10

कथिलेत हमसब असल कामसबके लेल खिरिस्‍ट येसुमे सिरिस्‍टी भ्‍याल ओकर हाथके सिप चियै। ओह्‍या अनुसार अपनासब चल कैहके उ पहिनेसे तयार करने रहै।

यहुदा 1:5

तोरासबके यि सब बात थाहे छौ तैयो किछ बात याद कराइले चाहैचियौ कि परमपरभु आपन लोकसबके मिसर देससे छुटकरा कैरके आनल्‍कै। महज ओइसबमेसे बिस्‍बास नै करैबला सबके पाछे बिनास कैरदेल्‍कै।

तितस 3:14

आपन लोकसब असल काममे लागल रहे, ताकी आवसयक परल समयमे सहायता देबे सके आ बेरथमे जिबन नै जिये।

२ तिमोथी 2:14

तिमोथी, यि बात तु ओइसबके बात-बातमे झगरा नै कर कैहके परमेस्‍वरके सामनेमे सम्‍झा। झगरासे ककरो भलाइ नै हैछै, बरु सुनैबला लोकसबके बिगारैछै।

तितस 1:16

उसब परमेस्‍वरके जानैछै कैहके दाबी करैछै महज ओइसबके बेबहारसे उसब परमेस्‍वरके इन्‍कार करैछै से बात देखाइछै। उसब घिनलागैबला आ अटेरी हैछै आ कोनो असल काम करे लाएकके नै छै।