तितस 2:2 - मध्‍य पुरविया थारू

² बुढबासबके परहेज करैले, गहन आ अपने आपके बसमे राखैले सिखा। ओइसबके बिस्‍बासमे, परेममे आ सहनसिलमे बौकार हैलेपरतै कैहके सिखा।

तितस 2:2 Referans Kwoze

गलाती 5:23

नमरता, आपनेके अधिनमे राखनाइ चियै। तकर बिरोधमे कोनो बेबस्‍था नै छै।

१ पतरुस 4:7

सब चिजके अन्‍त हैके समय चैल एलछै। ओहैसे तुसब आपन मनके सुध आ आपनेके बसमे राख ताकी तुसब असलसे परथना करे सक।

१ तिमोथी 3:11

तहिनङ कैरके ओकरासबके घरबालीसब सेहो आदर पाबैबाली हैके चही। उसब दोसरके बदनाम नै करैबली, आपनके बसमे राखैबाली आ सब बातसबमे बिस्‍बास योग्‍य हैलेपरतै।

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।

तितस 1:13

यि कहल बात साँचोके चियै। अहैलेल ओइसबके करासे चेताइनाइ जरुरी छै, ताकि उसब बिस्‍बासमे बौकार हेबे।

१ तिमोथी 3:2

तै खातिर मन्‍डलीके एकटा अगुवा हैकेलेल यि जरुरी छै जे उ दोस बिनाके हैकेचाही, ओकरा एकेटा घरबाली हैकेचाही, उ धिरजी, सम्‍झदार, भलादमी, मेजमानसबके मान-दान आ लोकसबके असलसे सिखाइबला हैकेचाही।

१ थेसलोनिकी 5:8

महज अपनासब दिनके धियापुता भेलाके कारन, चौकल रह। अपनासब बिस्‍बास आ परेमके कबच लगा आ मुक्‍तीके आसाके टोपी पिन्‍हके होसियार रह।

रोमी 12:3

परमेस्‍वरके देल अनुगरहसे हम तोरासबके चेताबनी दैचियौ कि, तुसब आपनके बरका नै समझ महज परमेस्‍वरके देल बिस्‍बासके नाप अनुसार तुसब जहिनङ चिही तहिनङे सोच।

१ पतरुस 1:13

अहै खातिर तोरासबके आपन मन तैयार राख, आत्‍म संयमी बन आ येसु खिरिस्‍ट आबै बखत तुसब पाबैबला अनुगरहमे पुरा आसा राख।

१ कोरन्‍थी 15:34

होसमे या आ आबसे पाप नै कर। कथिलेत तोरासबमेसे कतहेक गोरे परमेस्‍वरके नै चिनहने चिही। यि त तोरासबके लेल सरमके बात चियौ।

२ पतरुस 1:6

ग्‍यानमे आत्‍मसंयम, आत्‍मसंयममे धिरज, धिरजमे भक्‍ति,

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

तितस 1:8

महज उ लोक मेजवानके स्‍वागत-सत्‍कार करैबला, भलाइके काममे मन लगाइबला, ग्‍यानी, इमान्‍दार, पबितर आ आपनके बसमे राखैबला हैकेचाही।

१ तिमोथी 3:4

उ आपन घर परिबार असलसे चलाबैबला, ओकर धियापुता असलसे आदर करैबला आ अरह्‍याल काम मानैबला हैकेचाही।

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

१ थेसलोनिकी 5:6

ओहैसे दोसर-तेसर लखा अपनासब नै सुत, महज जागल आ चौकल रह।

फिलिप्‍पी 4:8

अन्‍तमे, भाइ-भैयासब, जे बात सत छै, जे बात असल छै, जे बात नियाय संगत छै, जे बात पबितर छै, जे बात परेम योग्‍य छै, जे बात किरपाके योग्‍य छै, अरथात जे आदरके योग्‍य छै आ परसन्‍साके योग्‍य छै तैमे मन लगा।

२ कोरन्‍थी 5:13

यदि कोइ हमरासबके होसमे नै चियै कहैछै त, यि परमेस्‍वरके खातिर चियै। यदि हमसब होसमे चियै त, यि तोरासबके भलाइके लेल चियौ।

१ कोरन्‍थी 9:25

खेलमे भाग लेबेबला खेलारी सब बातमे अनुसासनमे रहैले परैछै। उसब नास हैबला मुकुटके लेल एहेन करैछै, महज हमसब नास नै हैबला मुकुटके लेल एहेन करैचियै।

परेरित 24:25

जब पावल धरमी भ्‍याके काम करे परतै, आपन मनके बसमे राखे परतै आ आबैबला नियाइके बारेमे बोल्‍लै तब फेलिक्‍स डेरेलै आ कहल्‍कै, “अखुन जो, मौका मिल्‍तौ त हम फेनो तोरा बोलाइबौ।”

लुका 8:35

कथी भेलछै से देखैले लोकसब येसु लग एलै। जे लोकसे भुतसब निकलल छेलै। ओकरा जमा-जोरा लग्‍याके येसु लग बैठल देखल्‍कै। यि देखके लोकसब छक्‍के परलै।

मरकुस 5:15

तब उसब येसु लग एलै आ उसब बहुत भुत लागल लोकके मन निक भ्‍याके असल असल बस्‍तर लग्‍याके बैठल देखल्‍कै। यि देखके ओइसबके डर भ्‍यागेलै।

१ तिमोथी 3:8

तहिनङे मन्‍डलीमे सेबा करैबला डिकन निक चालचलनके लोक हैकेचाही। उसब साँच-साँच बोलैबला, दाख मध नै पियैबला आ पैसा-कौरीके लोभ-लालच नै करैबला हैकेचाही।

१ तिमोथी 1:2

बिस्‍बासमे हमर साँचोके बेटा तिमोथीके चिठी लिखरहलचियै। अपनासबके परमेस्‍वर पिता आ परभु येसु खिरिस्‍टसे तोरा अनुगरह, किरपा आ सान्‍ती मिले।

१ तिमोथी 1:10

अतबे नै बेबस्‍था त बेबिचार करैबलासबके लेल, समलिङगी सबके लेल, अपहरन करैबलासबके लेल, झुठ बोलैबला, झुठ किरिया खाइबलासबके लेल आ सत सिदान्‍तके बिरोधमे हैबला औरो बहुतो कामसबके बिरोधमे बनलछै।

१ तिमोथी 1:14

आब देख, अपनासबके परभु येसुके अनुगरह हमर उपर कतहेक बहौत छै कि उ आपन बिस्‍बाससे आ परेमसे हमरा भरल्‍कै।

१ तिमोथी 5:1

अपनसे बुढसबके नै हप्‍का, बरु आपन बाबु जखा आदरभावसे सम्‍झा-बुझा आ आपनसे छोट भाइ जखा बेबहार कर।

फिलेमोन 1:9

परेमके खातिर हम तोरा बिन्‍ती करैचियौ। हम बुढ पावल आ अखैन खिरिस्‍टके लेल जहलमे परल एक कैदी,