तितस 2:11 - मध्‍य पुरविया थारू

¹¹ कथिलेत परमेस्‍वरके अनुगरह सब लोकसबके मुक्‍ती दैले परकट भेल छै।

तितस 2:11 Referans Kwoze

१ तिमोथी 2:4

सबलोक मुक्‍ती पाबे आ उसब सत बात बुझे कैहके ओकर इक्‍छाछै।

एफिसी 2:8

कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

हिबरु 2:9

महज हमसब येसुके देखैचियै कि परमेस्‍वरके अनुगरहके कारनसे उ सबके लेल मरैले सके कैहके एकछनके लेल स्‍वरगदुतसे ओकरा छोट करल्‍कै। उ अपनासबके लेल मिरतुके दुख भोगल्‍कै, ओहैसे परमेस्‍वर ओकरा महिमा आ आदरके मुकुट पिन्‍हाइल्‍कै।

एफिसी 2:5

अपनासब अटेर कैरके आत्‍मिक तबरसे मरल छेलियै तैयो परमेस्‍वर खिरिस्‍टसङे अपनासबके जिबित करल्‍कौ। तुसब परमेस्‍वरेके अनुगरहसे बच्‍याल गेलचिही।

२ थेसलोनिकी 2:16

आब अपनासबके परभु येसु खिरिस्‍ट आ अपनासबके परमेस्‍वर पिता अपनासबके परेम करल्‍कै। उ आपन अनुगरहसे अनन्‍त उत्‍साह आ असल आस देल्‍कै।

रोमी 5:15

परमेस्‍वरके फोक्‍टेके बरदान आदमके पाप जखा नै चियै। कथिलेत एकटा लोक आदमके पापके कारनसे बहुत लोक मरलै। महज एकटा लोक येसु खिरिस्‍टके बरदान दुवारा परमेस्‍वर बहुतो लोकके औरो बेसिसे अनुगरह देल्‍कै।

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

लुका 3:6

तब सब लोकसब परमेस्‍वरके मुक्‍ती देख्‍तै।’”

१ तिमोथी 1:14

आब देख, अपनासबके परभु येसुके अनुगरह हमर उपर कतहेक बहौत छै कि उ आपन बिस्‍बाससे आ परेमसे हमरा भरल्‍कै।

रोमी 5:2

खिरिस्‍ट हमरासबके बिस्‍बास दुवारा परमेस्‍वरके अनुगरहमे लाबने छै। यह्‍या अनुगरहके हमसब अखुन अनुभव करैचियै आ परमेस्‍वरके महिमामे सहभागी हैके आसमे आनन्‍द मनाबैचियै।

कलस्‍सी 1:6

यि सुसमाचार तोरोसबके बिचमे एलछौ आ खिरिस्‍टके यि सुसमाचार सन्‍सारके बहुतो ठामसबमे लोकसब सुइनके बिस्‍बास कैररहलछै आ ओइसबके जिबन परिबरतन भ्‍यारहलछै। तुसब परमेस्‍वरके अनुगरहके बारेमे सत बात सुनल आ बुझल दिनसे सुसमाचार तोरोसबमे सेहो ओहिनङे काम कैर रहलछौ।

गलाती 2:21

हम परमेस्‍वरके अनुगरहके बेरथके नै ठानैचियै। यदि बेबस्‍था पालन कैरके हमसब परमेस्‍वरके अगा धरमी ठहरैचियै त, खिरिस्‍टके मरनाइ बेरथ हेतै।

२ कोरन्‍थी 6:1

हमसब परमेस्‍वरसङे काम करैबलासब भेलाके कारन तोरासबके बिन्‍ती करैचियौ कि परमेस्‍वरसे भेटल अनुगरहके बेरथमे जाइले नै दहै।

परेरित 13:47

कथिलेत परभु हमरौरके अहिनङे आग्‍या करने छै- ‘पिरथिबीके अन्‍तके सिमा तक लोकसब हमर मुक्‍ती पाबै कैहके, अहै कामके खातिर गैर-यहुदीके बिचमे इजोत हैले नियुक्‍त करनेचियौ।’”

परेरित 13:43

सभा ओरेलाकेबाद बहौत यहुदी आ यहुदी धरम मानैबला लोकसब पावल आ बरनाबासके पछा लाग्‍लै। पावल आ बरनाबास ओइसबसे बात करैत परमेस्‍वरके किरपामे भरोसा राखने रह कैहके उत्‍साह देल्‍कै।

युहन्‍ना 1:9

साँचोके इजोत उ चियै जे सन्‍सारके सबकोइके इजोत दैछै उ इजोत आइबरहल छेलै।

लुका 24:47

तब यरुसलेमसे सुरु कैरके सब जातीसबके ओकर नाममे पस्‍चाताव आ पाप छमाके परचार हैलेपरतै।

मरकुस 16:15

तब येसु उसबके कहल्‍कै, “जो आ सरा सन्‍सारमे ज्‍याके सरा सिरिस्‍टीके सब लोकसबके सुसमाचार परचार कर!

मतीके लिखल सुसमाचार 28:19

तहैलेल जो आ सब देसके लोकसबके चेला बना, पिता, पुतर आ पबितर आत्‍माके नाममे बप्‍तिस्‍मा दहै।

हिबरु 12:15

होसियार रह कि कोइ नै परमेस्‍वरके अनुगरह पाबैसे छुटे, ताकी अबिस्‍बासके तित जैर बैढके तोरासबके बिचमे फुट नै आने। एहैन लोक बहुतो लोकसबके असुध नै बनाबे।

२ तिमोथी 4:17

तैयो परभु हमरसङे रैहके हमरा सक्‍ती देल्‍कै। तहैले हम गैर-यहुदी लोकसबके परमेस्‍वरके सुसमाचार निकसे सुनाबे सकलियै। अहिनङे परभु हमरा सिंहके मुहसे बचेल्‍कै।

कलस्‍सी 1:23

साँचोके तुसब आपन बिस्‍बासमे अस्‍थिर आ बलगर भ्‍याके सुनल सुसमाचारके आसासे पछा नै हट। एह्‍या सुसमाचार चियै, जे सन्‍सारके सब लोकसबके परचार करलगेलछै। हम पावल सेहो एह्‍या सुसमाचार सुनाइले परमेस्‍वरके सेबक भेलचियै।

रोमी 10:18

ओनङ छै त, “तब कि उसब सुसमाचार नै सुन्‍नेछै से?” उसब साँचोके सुन्‍नेछै। परबितर धरमसास्‍तरमे एहन लिखलछै, “ओइसबके सुसमाचार पिरथिबीके सब ठाममे पुगलछै आ ओइसबके सन्‍देस सन्‍सारके कोना-कोनातक पुगलछै।”

परेरित 17:30

अहैले पहिने अनजानमे करल कामके परमेस्‍वर धियान नै दैछै। महज आब परमेस्‍वर सब ठामके लोकसबके ‘आपन-आपन पाप माइनके पस्‍चाताव करै’ कैहके आग्‍या देने छै।

२ तिमोथी 1:10

जे अनुगरह आब हमरासबके मुक्‍तीदाता येसु खिरिस्‍ट एलासे परकट भेल छै। परभु येसु मिरतुके नास कैरके सुसमाचारमे अजर-अमर जिबन परकट करने छै।