तितस 1:7 - मध्‍य पुरविया थारू

⁷ मन्‍डलीके बिसपसब परमेस्‍वरके कामके रेखदेख करैबला भेलाके कारन निरदोस रहे परतै। उ लोक जिदी, झटसे खिसियाइबला, मतबाली, लराइ-झगरा करैबला आ धनके लोभ करैबला नै हैकेचाही।

तितस 1:7 Referans Kwoze

२ पतरुस 2:10

खास कैरके, एहेन लोकसब जे असुध करैबला कामबासनामे डुबलरहैछै आ परमेस्‍वरके अधिकारके अपहेलना करैछै। ओहेन झुठा गुरुसब ढिठ आ घमन्‍डी हैछै आ स्‍वरगिय परानिसबके निन्‍दा करैले नै डराइछै।

एफिसी 5:18

अङगुरके मधसे नै मात कथिलेत ओइसे जिबन नास हैछै, महज पबितर आत्‍मासे भरपुर रह।

१ पतरुस 5:2

तोरासबके जिम्‍मामे देल परमेस्‍वरके भेरासबके देखभाल कर। यि काम करकापमे पैरके नै महज खुसिसे परमेस्‍वरके इक्‍छा बमोजिम आ कोनो पैसा-कौरीके लोभसे नै महज सेबाके मन ल्‍याके कर।

१ पतरुस 4:10

परमेस्‍वर तोरासबके किसिम-किसिमके बरदान देनेछौ। एक दोसरके सेबा करैके लेल देल यि बरदानके पुरा सदउपयोग कर।

लुका 12:42

परभु उतर देल्‍कै, “बफादार आ बुधिमान मुखिया के चियै, जकरा ओकर मालिक आपन घरके सब कामकाजके जिमा देतै आ आपन नोकरसबके ठिक समयमे खाना दैकेलेल खटेतै।

तितस 2:3

तहिनङे, बुढ जनिसबके परमेस्‍वरके आदर हैबला असल चालचलनके जिबन जियैके लेल सिखा। उसब बिना कारन ककरो निन्‍दा नै करे आ निसाबला चिजके बसमे नै परे बरु जे चिज असल छै उ औरो दोसर गोराके सिखाबे।

तितस 1:5

हमर अरह्‍याल बमौजी ओतेका रहल बाकी काम पुरा करैले आ हरेक सहरसबमे एल्‍डरसब छानैके लेल हम तोरा केरेट टपुमे छोइर देलियौ।

फिलिप्‍पी 1:1

हम पावल आ तिमोथी, येसु खिरिस्‍टके दास, फिलिप्‍पी सहरमे रहैबला परमेस्‍वरके पबितर जनसब, मन्‍डलीके रेख-देख करैबलासब आ डिकनसबके यि चिठी लिखैचियै।

मतीके लिखल सुसमाचार 24:45

“के एहेन बिस्‍बास जोग्‍य आ बुधिमान नोकर चियै जेकर मालिक आपन घरके औरो नोकरसबके मुखिया बनेतै जे उ ठिकसे रेखदेख कैरके ओइसबके समयमे खान-पिनके बेबस्‍था करतै?