तितस 1:5 - मध्‍य पुरविया थारू

⁵ हमर अरह्‍याल बमौजी ओतेका रहल बाकी काम पुरा करैले आ हरेक सहरसबमे एल्‍डरसब छानैके लेल हम तोरा केरेट टपुमे छोइर देलियौ।

तितस 1:5 Referans Kwoze

परेरित 14:23

जब उसब ओइसबके सब मन्‍डलीमे रेखदेख करैबलासब नियुक्‍त करल्‍कै, तब परथना आ उपासे रैहके आपन बिस्‍बास करल परभुमे ओइसबके सोइप देल्‍कै।

१ तिमोथी 1:3

हम माकेडोनिया परदेस जाइबखत तोरा एफिससमे रह कैहके कहने छेलियौ। आब फेनो कहैचियौ कि ओतै रह आ झुठ सिक्‍छा सिखाइबलासबके ओहेन नै सिखा कैहके करा आग्‍या दहै।

१ कोरन्‍थी 14:40

महज सबकाम ठिक आ बेबस्‍थित ढङ से कर।

२ तिमोथी 2:2

बहौतरा साक्‍छीसबके अगा जे बात तु हमर मुहसे सुनने चिही, से बात औरो लोकके सिखाइले सकैबला बिस्‍बास योग्‍य लोकसबके सोइप दहै।

१ कोरन्‍थी 11:34

यदि कोइ भुख्‍याल चिही त, उ आपन घरमे खेबे। ताकि तुसब एकसाथ भेला हेब्‍ही त दोसी नै ठहरबिही। औरो बातके बारेमे हम तोरासबलग एबौ त आदेस देबौ।

परेरित 27:21

जहादमेके लोकसब खाना नै खेने बहुतदिन भेल छेलै। ओइ बखत पावल ओइसबके कहल्‍कै, “हौ भाइ-भैयासब, अहाँसब हमर बात माइनके केरेटसे जहाद नै चलाइने रहतियै त नै यि बिपतमे एतियै, नै कोनो बिनासे हेतियै।

परेरित 27:12

जार महिना बिताबैके लेल उ जहग उचित नै छेलै। अहै खातिर बहौत लोकसब कोनो भि हालतमे ओतेसे चैलके फोनिक्‍समे जार मास बिताइबै कैहके जहाद चलाबैले सल्‍लाह देल्‍कै। केरेट टपुके एक बन्‍दरगाह फोनिक्‍स चियै जकर मुहरा दछिन-पछिम आ उतर-पछिम तरफ घुमल छै।

परेरित 27:7

हमसब रसे-रसे अगा दिसन चललियै आ एकदम दिकतसे हमसब क्‍नीडसमे पुगलियै। हबा हमरासबके आगादिसन जाइले एकदमसे दिकत करलक। ओहै खातिर हमसब केरेट टपुके सहारा लैत सालमोनके पखा-पखा हैत गेलियै।

परेरित 11:30

अहिनङे उसब उठेल्‍हा पैसा बरनाबास आ साउलके हाथे यरुसलेम मन्‍डलीके रेखदेख करैबलासबके पठादेल्‍कै।

कलस्‍सी 2:5

कथिलेत हम देहमे तोरासबसे दुर चियौ तैयो आत्‍मामे त तोरेसबसङे चियौ। खिरिस्‍टमे तोरासबके बिस्‍बास एकदम अस्‍थिर भेल देखके हम बहुत खुसी भेलचियौ।

परेरित 2:11

केरेटके बासिसब आ अरेबियोसब छै, तब हम आपन-आपन भसामे परमेस्‍वरके महान कामसबके चरचा ओइसबके करैत सुनैचियै।”

परेरित 27:13

जब दछिन दिसरसे रसे-रसे हबा बहे लाग्‍लै तब उसब सोचल्‍कै कि आब हमसब जाइले सकब। जहाद चलाबैबलासब लङगर खोइलके केरेट टपुके काते-कात हैत जाइले लाग्‍लै।

१ कोरन्‍थी 4:17

अहैसे हम तोरासबलग तिमोथीके पठाबैचियै। उ परभुमे हमर पिरिय आ बिस्‍बासयोग्‍य बेटा चियै। हम सबठाम आ मन्‍डलीमे सिख्‍याल अनुसार खिरिस्‍ट येसुमे हमर जिबन केहन छेलै, से बात उ तोरासबके बतेतौ।

तितस 1:12

ओकरासबके एक गोरा अगमबक्‍तो एहेन कहनेछै, “केरेटके सबलोक हरदम झुठ बोलैबलासब, जङलके दुस्‍ट जानबरसब लखा स्‍वभाब भेल आ कोरहिया दलिदर लोकसब छै।”