रोमी 9:4 - मध्‍य पुरविया थारू

⁴ उसब इजराएली चियै आ परमेस्‍वर ओकरासबके आपन बेटा-बेटीसब बनेल्‍कै। उ आपन महिमा ओकरासबके परकट करल्‍कै। ओकरासबसङे करार बानहल्‍कै, बेबस्‍था देल्‍कै आ आराधना करैले सिखेल्‍कै। उसब ओकर परतिग्‍या पाबल्‍कै।

रोमी 9:4 Referans Kwoze

एफिसी 2:12

ओइ बखत तुसब खिरिस्‍टके नै चिन्‍हैबला लोक छेल्‍ही। तुसब परमेस्‍वरके छानल इजराएलीसबसङे समबन्‍ध नै भेल्‍हा बिदेसी छेल्‍ही। परमेस्‍वर आपन लोक इजराएलीसङे करल परतिग्‍यासबसे जोरल करारमे तोरासबके कोनो जगह नै छेलौ, तब सन्‍सारमे तुसब बिना आस आ बिना परमेस्‍वरके छेल्‍ही।

रोमी 9:6

इजराएलीसब खिरिस्‍टमे बिस्‍बास नै करल्‍कै कहतेमे, परमेस्‍वर ओकरासबसङे करल परतिग्‍या बिफल भेलै से बात नै चियै। कथिलेत इजराएलके कुलमे जलमल सब लोकसब त परमेस्‍वरके लोकसब नै चियै।

परेरित 2:39

कथिलेत यि परतिग्‍या तोरासबके खातिर, तोरासबके धियापुताके खातिर आ दुर-दुरमे रहैबला सबके खातिर चियै, जकरा सबके परभु परमेस्‍वर बोलाइछै।”

हिबरु 9:1

पहिनेके करारमे परमेस्‍वरके आराधना करैले धारमिक नियमसब राखल छेलै। सन्‍सारमे लोकसबके बन्‍याल एकटा आराधना करैबला ठाम सेहो छेलै।

रोमी 8:15

कथिलेत तुसब फेनसे दास बनैले डरके आत्‍मा नै पाबनेचिही बरु तुसब पोसपुत हैले पबितर आत्‍मा पाबनेचिही, तैल्‍याके हमसब परमेस्‍वरके “हे हमर अब्‍बा, पिता!” कैहके पुकारैचिही।

युहन्‍ना 1:17

कथिलेत बेबस्‍था मोसासे एलै, महज अनुगरह आ सत्‍यता येसु खिरिस्‍टसे एलै।

हिबरु 9:10

यि सब खाइ-पियैबला आ अनेक धारमिक बिधीसे सुध हैबला नियम मातरे छेलै। परमेस्‍वरके लया बेबस्‍था नै आबैतलिक करैबला धारमिक बिधी मातरे चियै।

हिबरु 9:3

परदा पछारी दोसर कोठलीके महापबितर ठाम कहैछै,

युहन्‍ना 1:47

नथानेलेके आपन दिसन आबैत देखके येसु कहल्‍कै, “देख, उ पक्‍के इजराएली चियै, ओकरमे कोनो छलकपट नै छै।”

मतीके लिखल सुसमाचार 21:33

येसु फेनो उसबके कहल्‍कै, “एकटा दोसरो खिसा सुन। एकटा जमिन्‍दार लोक छेलै। उ लोक अङगुरके खेती करल्‍कै आ चारुकातसे ओकरा घेरल्‍कै। अङगुरके रस जम्‍मा करैके लेल एकटा खाइध खुइनके कोल्‍हु बनाइल्‍कै आ ओहैमे रखबारी करैके लेल एकटा मचानो बनाइल्‍कै। तब बटिदारसबके जिम्‍मा द्‍याके अपना परदेस गेलै।

रोमी 3:2

हरेक तरहसे फाइदे फाइदा छै। सबसे पहिने परमेस्‍वर आपन बचन यहुदीसबके सौप देल्‍कै।

२ कोरन्‍थी 11:22

कि उसब हिबरु चियै? हँ हम्‍हु चियै। कि उसब इजराएली चियै? हँ हम्‍हु चियै। कि उसब अबराहमके खानदानके चियै? हँ हम्‍हु चियै।

गलाती 3:16

परमेस्‍वर, अबराहम आ ओकर सन्‍तानसे करल परतिग्‍या अहिनङे छेलै। पबितर धरमसास्‍तरमे द्‍याल उ परतिग्‍या “बहुतो सन्‍तानसबके” लेल नै, महज “एक गोरेके” लेल मातरे छेलै आ उ दोसर कोइने चियै, उ त केबल खिरिस्‍ट चियै।

हिबरु 9:5

ओइ सन्‍दुकमे परमेस्‍वर ओते छै कैहके देखाबैके लेल ओइ सन्‍दुकके ढकनी उपर करुबसब छेलै। उ ढकनी उपर किरपा आसनमे करुबसब डेन पसारने छेलै। महज यि सबके बिसयमे अखुन बयान करैले नै सकैचियै।

हिबरु 9:6

यि सब बात मिलेलाके बाद पुजारीसब आपन बिधी आ करतब पालन करैत निरन्‍तर पहिन्‍का कोठलीके पबितर ठाममे परबेस करैछेलै।