रोमी 9:33 - मध्‍य पुरविया थारू

³³ खिरिस्‍टके बारेमे परमेस्‍वरके कहल बात पबितर धरमसास्‍तरमे अनङ लिखल छै, “देख, हम सियोनमे एकटा ठेस लागैबला पथल राखने चियै आ जैमे बहुतो लोक ठेसके खैसपरतै, महज ओकरमे बिस्‍बास करैबलासब लाजमे नै परतै।”

रोमी 9:33 Referans Kwoze

रोमी 10:11

कथिलेत पबितर धरमसास्‍तरमे एहेन लिखल छै, “ओकरमे बिस्‍बास करैबला कहियो लाजमे नै परतै।”

रोमी 5:5

अहै आसाके कारन हमसब निरास नै हेबै कथिलेत परमेस्‍वर अपनासबके पबितर आत्‍मा देने छै आ पबितर आत्‍मासे परमेस्‍वर अपनासबके हिरदयमे आपन परेम भरनेछै।

१ युहन्‍ना 2:28

हमर धियापुतासब, खिरिस्‍टमे रह आ जहिया उ परगट हेतौ, तहिया तोरासबके साहस मिल्‍तौ तब ओकर आबैबला ओइ दिन ओकर अगा लाजमे नै परबिही।

फिलिप्‍पी 1:20

हमर उटकट इक्‍छा आ आसा यि चियै कि हम कहियो लज्‍जित नै हेबै महज हमरमे परसस्‍त साहस हेतै। चाहे हम बाच्‍बै या मरबै सबदिन जखा अखुनो हमर जिबनसे खिरिस्‍ट सम्‍मानित हेबे।

२ तिमोथी 1:12

तब अहै खातिर हम दुख उठाइचियै। महज यि बातके खातिर हम लाज नै मानैचियै, कथिलेत हम ककर उपर बिस्‍बास करनेचियै से हम निकसे जानैचियै। हम जे कुछ परमेस्‍वरके सौपने चियै, उ आपन आबैबला दिनतक सुरक्‍छित राख्‍तै कैहके पुरा भरोसा छै।

मतीके लिखल सुसमाचार 21:44

उ पथलमे जे कोइ खस्‍तै उ चकनाचुर हेतै आ जकर उपर उ पथल खस्‍तै तकरा गुन्‍डीमिसान कैरदेतै।”

मतीके लिखल सुसमाचार 21:42

तब येसु उसबके कहल्‍कै, “कि तुसब पबितर धरमसास्‍तर नै पढनेचिही? ‘जै पथलके घर बनाइबला मिसतिरीसब छाइट देल्‍कै, सेह्‍या जगके मुल खम्‍हा बन्‍लै, यि काम परमेस्‍वर करने छै आ अपनासबके नजरमे आस्‍चरजके बात छै।’

रोमी 10:1

हे हमर भाइ-भैयासब, इजराएलीसब मुक्‍ती पाबे कैहके हमर भितरी चाहना छै। तैल्‍याके हम अकरासबके लेल परमेस्‍वरसे परथना करैचियै।

गलाती 5:11

भाइ-भैयासब, यदि हम अखुन्‍तो खतना करैये परतौ कैहके परचार करैचियौ त कथिले हमरमे सताबट एलै? यि बात सँच रहतियै त कुरूसके बलिदानके परचारसे ककरो चित नै दुखतियै।