रोमी 9:13 - मध्‍य पुरविया थारू

¹³ यि बात पबितर धरमसास्‍तरमे जौवा भाइके बारेमे एहेन लिखल छै, “याकुबके हम परेम करलियै, महज एसाबके घिरना करलियै।”

रोमी 9:13 Referans Kwoze

युहन्‍ना 12:25

ओहिनङ जे आपन जिन्‍गीके परेम करैछै उ गुमाइछै, महज जे अइ सन्‍सारमे आपन जिन्‍गीके अबहेलना करैछै उ ओकरा अनन्‍त जिबनके लेल जोग्‍याके राखैछै।

लुका 14:26

“हमर पछा आबैबला आपन माँ-बाबु, घरबाली, बेटा-बेटी, भैया-भाइ, दिदी-बहिनसबके आ आपन परानके हमरसे बेसी परेम करैछै त, उ हमर चेला नै बने सक्‍तै।

मतीके लिखल सुसमाचार 10:37

जे कोइ हमरा परेम करैसे बेसी आपन माँ-बाबुके परेम करतै, उ हमर चेला बने नै सक्‍तै। तहिनङे जे कोइ हमरा परेम करैसे बेसी आपन धियापुताके परेम करतै सेहो हमर चेला बनैले नै सक्‍तै।

मरकुस 12:10

तुसब पबितर धरमसास्‍तरमे नै पढनेचिही? ‘जै पथलके घर बनाइबला मिसतिरीसब छाइट देल्‍कै, सेह्‍या जगके मुल खम्‍हा बन्‍लै,