रोमी 9:11 - मध्‍य पुरविया थारू

¹¹ जौवा बच्‍चा जलमैसे पहिने आ उसब असल या खराब काम करैसे पहिने परमेस्‍वर एक गोरा चुनल्‍कै। अनङ परमेस्‍वरके चुनैबला काम ओकर काम-काज देखके नै महज आपन उदेस्‍य अनुसार हैछै से साफ-साफ देखाइछै।

रोमी 9:11 Referans Kwoze

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

२ पतरुस 1:10

तैल्‍याके हे भाइसब, परमेस्‍वर तोरासबके बोलाइनेछौ आ चुन्‍ने छौ से बात आपन जिबनमे परमानित करैले एकदम कोसिस करैतरह। तुसब एहैन करबिही त, बिस्‍बाससे कहियो नै गिरबिही।

तितस 3:5

तब उ अपनासबके बचेल्‍कै। अपनासब कोनो धरम-करम करलाके कारन नै महज ओकर दया आपनसबमे भेलाके कारन बचेल्‍कै। ओकर पबितर आत्‍मासे अपनासबके पाप धुवाके अपनासबके नया जलम आ नया जिबन देल्‍कै।

परकास 17:14

उसब थुमाके बिरोधमे लराइ करतै महज थुमा आपनसङे बोल्‍याल, छानल आ बिस्‍बास योग्‍यसबके ल्‍याके ओकरासबके जित्‍तै कथिलेत उ परभुसबके परभु आ रजासबके रजा चियै।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

रोमी 4:17

पबितर धरमसास्‍तरमे एहेन लिखलछै “हम तोरा सन्‍सारके सब जातीके पुरखा बनाइने चियौ।” मरलसबके जिबन दैबला आ असतित्‍वमे नै भेल चिजके असतित्‍वमे लाबैबला परमेस्‍वरमे अबराहम बिस्‍बास करल्‍कै।

एफिसी 2:9

यि तोरासबके कामसे नै भेलछौ, नै त लोक घमन्‍ड करतियै।

१ थेसलोनिकी 1:4

हे हमर भाइसब, हमरासबके यि बात थाहछै कि परमेस्‍वर तोरासबके परेम करैके कारन तोरासबके चुन्‍ने छौ।

एफिसी 2:3

अपनोसब एक समयमे ओहैसब जखा आपन देहके आ मनके इक्‍छा पुरा करैमे लागल छेलियै आ औरो लोकसब जखा अपनोसब परमेस्‍वरके दन्‍ड पाबैबला छेलियै।

१ थेसलोनिकी 2:12

तोरासबके चालचलन परमेस्‍वरके नजरमे योग्‍य हेबे से उदेस्‍यसे हमसब तोरासबके अरतिउपदेस, उत्‍साह आ बिन्‍ती करैत रहलियौ। कथिलेकी परमेस्‍वर आपन राज आ महिमामे तोरासबके सहभागी हैकेलेल बोलाइछौ।

एफिसी 3:11

परमेस्‍वर यि बात आपन अनन्‍त योजनाके अनुसार अपनासबके परभु येसु खिरिस्‍टमे पुरा करल्‍कै।