रोमी 8:6 - मध्‍य पुरविया थारू

⁶ पाप स्‍वभाबके इक्‍छामे चलैबला लोकके मिरतु हेतै, महज जे पबितर आत्‍मामे मन लगेतै, उ अनन्‍त जिबन आ सान्‍ती पाबतै।

रोमी 8:6 Referans Kwoze

गलाती 6:8

जे आपन पाप स्‍वभाबके लेल रोपैछै, उ आपन पाप स्‍वभाबसे सर्‌बनासके कटनी करतै। महज जे आत्‍माके लेल रोपैछै, उ आत्‍मासे अनन्‍त जिबनके कटनी करतै।

रोमी 8:7

पाप स्‍वभाबके इक्‍छामे चलैबला लोक परमेस्‍वरके बिरोधी रहैछै, कथिलेत उसब परमेस्‍वरके बेबस्‍था पालन नै करैछै आ करैयोले नै सकैछै।

रोमी 8:13

यदि तुसब पाप स्‍वभाबके इक्‍छा अनुसार चलबिही त, तुसब मरबिही। महज पबितर आत्‍माके सक्‍तीसे पाप स्‍वभाबके नास करबिही त, तुसब अनन्‍त जिबन पाबबिही।

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

रोमी 6:23

कथिलेत पाप करैबलाके बैन मिरतु चियै, महज फोक्‍टेमे देल परमेस्‍वरके बरदान त अनन्‍त जिबन चियै जे अपनासबके परभु येसु खिरिस्‍टमे देनेछै।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

युहन्‍ना 14:27

“हम सान्‍ती तोरासबके छोइरदैचियौ, हम आपन सान्‍ती तोरासबके दैचियौ। सन्‍सारके देल जखा हम तोरासबके नै देबौ। तोरासबके मन बेचैन नै हेबे आ तुसब नै डरा।

रोमी 6:21

जे कामसबसे तुसब अखैन लाज मानैचिही तै कामसबसे तोरासबके कथि फैदा भेलौ? कथिलेत ओइ कामसबके परिनाम त मिरतु चियै।

रोमी 14:17

कथिलेत परमेस्‍वरके राज खाइ-पियैबला चिज नै, महज पबितर आत्‍मासे आबैबला धारमिकता, सान्‍ती आ आनन्‍द चियै।

रोमी 7:5

अपनासब एक समय देहके पाप स्‍वभावमे जिबन बिताइत रहियै। ओइ बखत पापी स्‍वभाव बेबस्‍थाके बिरोधमे अपनासबके बहुत पाप करैले लगेल्‍कै आ मिरतुके भागिदार बनेल्‍कै।

युहन्‍ना 14:6

येसु कहल्‍कै, “बाट, सत आ जिबन हम्‍ही चियै। बिना हमरसे कोइ नै पितालग पुइग सकैछै।

रोमी 7:11

कथिलेत पाप बेबस्‍था दुवारा मौका पाइबके हमरा छल करल्‍कै आ ओहैके हथियार बनाके हमरा मारल्‍कै।

रोमी 5:10

कथिलेत अपनासब परमेस्‍वरके सतरु भेल बखत ओकर बेटाके मिरतु दुवारा अपनासबके आपनसङे मिलापमे आनल्‍कै। अपनासब ओकर सङी भेलाके कारनसे उ आपन बेटाके जिबनसे अपनासबके बचाइतै।

रोमी 5:1

ओहैसे हमसब खिरिस्‍टमे बिस्‍बास करलाके कारन परमेस्‍वरके अगा धरमी ठहरलचियै आ अपनासबके परभु येसु खिरिस्‍ट दुवारा परमेस्‍वरसङे अपनासबके मिलाप भेलछै।

युहन्‍ना 17:5

हे पिता, सन्‍सार सिरिस्‍टी हैसे पहिने अहाँसङे हमर जे महिमा छेलै, ओह्‍या महिमासे आब अहाँके अगा हमरा महिमीत करु।

रोमी 8:27

परमेस्‍वर सब लोकसबके हिरदयके भेद जानैछै। पबितर आत्‍मा कथि कहैले चाहैछै ओकर अरथ परमेस्‍वर जानैछै, कथिलेत पबितर आत्‍मा परमेस्‍वरके इक्‍छा अनुसार परमेस्‍वरके लोकसबके लेल परथना करैछै।