रोमी 8:36 - मध्‍य पुरविया थारू

³⁶ पबितर धरमसास्‍तरमे एहेन लिखलछै, “अहाँके लेल त हमसब हरेक दिन मरैचियै। हमसब काटैके लेल तयार करल भेंरासब जखा चियै।”

रोमी 8:36 Referans Kwoze

१ कोरन्‍थी 15:30

यदि मरलसे जिके नै उठतै त हमसब मैरके जि उठैके बारेमे परचार कैरके आपन जिबनके कथिले घरीघरी खतरामे पारबै?

१ कोरन्‍थी 4:9

कथिलेत हमरा एहेन लागैए कि परमेस्‍वर हम परेरितसबके मिरतुदन्‍ड पाबैबला कैदीसब जखा बिजय जुलुसके सबसे पछा राखनेछै। हमसब सन्‍सार, स्‍वरगदुतसब आ लोकसबके अगा तमसा बैनगेल चियै।

परेरित 8:32

उ पैढ़रहल धरमसास्‍तरके भाग यि छेलै, “जनङ भेंरा काटैले लजाइछै, या भेंरा उन कतरैबला लग चुप रहैछै, तैहनङे उ आपन मुहसे कोनो बात नै निकाइलके चुपे बैठल रहलै।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

युहन्‍ना 16:2

उसब तोरासबके सभाघरसबसे निकाइल देतौ। तोरासबके उपर अहिनङो समय एतौ, जे तोरासबके जानोसे मारैबला ‘परमेस्‍वरके सेबा करैचियै’ कैहके सोच्‍तै।

१ कोरन्‍थी 15:31

हे हमर भाइ-भैयासब, तोरासबके कारन परभु येसु खिरिस्‍टमे हम गर्‌भसे यि कहैले सकैचियौ, कि हम दिन-दिने मिरतुके खतरामे परैचियै।

२ कोरन्‍थी 1:9

हमरासब त आब मैर जेबै जखा लागल छेलै। हमसब आपनेमे भरोसा राखैके लेल नै, महज मरलहासबके जियाइबला परमेस्‍वरमे भरोसा करे सकि कैहके यि हैले एलै।

२ कोरन्‍थी 6:9

हमरासबके निकसे चिन्‍हीयोके अनचिन्‍हार जखा करैछै। मरे लागल चियै तैयो जियल चियै। सजाय पाबनेचियै तैयो मारलगेल नै चियै।

२ कोरन्‍थी 11:23

कि उसब खिरिस्‍टके सेबक चियै? हम बताह लोक जखा बोलैचियै, महज हम ओकरासबसे औरो असल सेबक चियै। ओकरासबसे त हम औरो बहौत मेहनत करनेचियै। कतहेक बेर त हम जहलमे परलियै, बहुत बेर कोर्‌रासे पिटाइ खेलियै आ बहुतो बेर कालके मुहसे बचल चियै।

फिलिप्‍पी 3:10

हम खिरिस्‍टके औरो निकसे चिन्‍हैले आ ओकरा जियाइबला सक्‍तीके अनुभव करैले चाहैचियै। ओकर जखा दुख सहैले आ मरैयोले इक्‍छा करैचियै,