रोमी 8:30 - मध्‍य पुरविया थारू

³⁰ जकरा जकरा परमेस्‍वर पहिनेसे चुनल्‍कै, उ ओकरासबके बोलेबो करल्‍कै। जकरा बोलेल्‍कै ओकरासबके आपन नजरमे धरमी ठहरेल्‍कै। जकरा जकरा धरमी ठहरेल्‍कै, ओकरासबके आपन महिमामे सहभागी सेहो करेल्‍कै।

रोमी 8:30 Referans Kwoze

परकास 17:14

उसब थुमाके बिरोधमे लराइ करतै महज थुमा आपनसङे बोल्‍याल, छानल आ बिस्‍बास योग्‍यसबके ल्‍याके ओकरासबके जित्‍तै कथिलेत उ परभुसबके परभु आ रजासबके रजा चियै।

रोमी 8:28

अपनासबके थाहछै कि, परमेस्‍वरके परेम करैबला आ ओकर उदेस्‍य अनुसार बोल्‍याल लोकसबके लेल सब बातमे परमेस्‍वर भलाइ करैछै।

एफिसी 1:11

कथिलेत सब बात परमेस्‍वरके योजना आ इक्‍छा अनुसार भेलछै। परमेस्‍वर अपनासबके आपन खुसिसे खिरिस्‍टमे छानल्‍कै। यि बात उ पहिनेसे करल योजना अनुसार भेल छेलै।

हिबरु 9:15

ओहै कारनसे परमेस्‍वरके परतिग्‍या करल सबदिन रहैबला अनन्‍त उतराधिकारी पाबे कैहके उ बोलेल्‍हासबके लेल खिरिस्‍ट लया करारके मिलाप कराबैबला चियै, कथिलेत पहिन्‍का करारके समयमे लोकसबके करल पापसे छुटकरा दैले उ मरलै।

एफिसी 1:5

उ आपन उदेस्‍य अनुसार अपनासबके परेम कैरके येसु खिरिस्‍टमे आपन सन्‍तान हैले पहिनेसे छान्‍ने छेलै।

१ पतरुस 2:9

महज तुसब त परमेस्‍वरके छानल जन, राजकिय पुजारी, पबितर जाती, निजी परजा चिही। उ तोरासबके अन्‍हारसे ओकर अचमके इजोतमे आनल्‍कौ, ताकी तुसब ओकर आस्‍चरजके कामसबके घोसना करैले सक।

१ कोरन्‍थी 6:11

तोरासबमेसे कतहेक गोरे एक समयमे अहिनङे छेल्‍ही, महज तुसब आब परभु येसुके नाममे आ परमेस्‍वरके आत्‍मासे धोबल गेलचिही, पबितर भेलचिही आ धरमी ठहरल चिही।

१ पतरुस 3:9

खराबीके बदला खराबी या अपमानके बदला अपमान नै कर। बरु खराबीके बदला आसिस दहै, कथिलेकी यह्‍या करैके लेल परमेस्‍वर तोरासबके बोलाइनेछौ आ तुहुसब आसिस पाबबिही।

युहन्‍ना 17:22

जे महिमा अहाँ हमरा देनेचियै, ओह्‍या महिमा हम ओइसबके देनेचियै, ताकि जहिनङे हम आ अहाँ एक चियै तहिनङे ओहोसब एक हेबे।

२ पतरुस 1:10

तैल्‍याके हे भाइसब, परमेस्‍वर तोरासबके बोलाइनेछौ आ चुन्‍ने छौ से बात आपन जिबनमे परमानित करैले एकदम कोसिस करैतरह। तुसब एहैन करबिही त, बिस्‍बाससे कहियो नै गिरबिही।

१ कोरन्‍थी 1:9

परमेस्‍वर बिस्‍बास योग्‍य छै। उ आपन बेटा, अपनासबके परभु येसु खिरिस्‍टसङे सङगतीमे रहैके लेल तोरासबके बोलाइल्‍कौ।

१ थेसलोनिकी 2:12

तोरासबके चालचलन परमेस्‍वरके नजरमे योग्‍य हेबे से उदेस्‍यसे हमसब तोरासबके अरतिउपदेस, उत्‍साह आ बिन्‍ती करैत रहलियौ। कथिलेकी परमेस्‍वर आपन राज आ महिमामे तोरासबके सहभागी हैकेलेल बोलाइछौ।

१ कोरन्‍थी 1:2

कोरिन्‍थ सहरमे भेल परमेस्‍वरके मन्‍डलीके, जकरा खिरिस्‍ट येसुमे पबितर बनाइनेछै आ ओकर पबितर जन हैकेलेल बोलाइल्‍कै आ चारुदिसनसे जे परभु येसुके पुकरा करैछै। ओह्‍या ओइसबके आ अपनासबके परभु चियै।

२ तिमोथी 2:11

यि बात एकदम सत छै, यदी हमसब ओकरसङे मरल चियै त, ओकरेसङे जिबै।

परकास 19:9

तब स्‍वरगदुत हमरा अनङ कहल्‍कै, “यि लिख, उसब धैनके चियै, जेसब थुमाके बियाहके नौता पाबल्‍कै।” उ हमरा फेनसे कहल्‍कै, “एह्‍या परमेस्‍वरके सत बचनसब चियै।”

युहन्‍ना 17:24

“हे पिता, हम इक्‍छा करैचियै कि, जकरासबके अहाँ हमरा देनेचियै, सेसब हमरसङे रहे आ हमर महिमा देखे, जे महिमा सन्‍सार सिरिस्‍टी हैसे पहिने अहाँ हमरा परेम करलाके कारनसे देनेछेलियै।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

कलस्‍सी 3:4

तोरासबके साँचोके जिबन त खिरिस्‍टे चियौ। जखैन उ परगट हेतौ तखैन तुसब ओकरे महिमामे परगट हेब्‍ही।

एफिसी 4:4

देह एके चियै आ पबितर आत्‍मो एके चियै। तहिनङ तोरासबके एके आसामे बोलाइनेछौ।

२ कोरन्‍थी 4:17

अपनासबके अखैन भोगल दुख पछा आबैबला बरका अनन्‍तके सुख समैझके त साँचे यि कुछो नै चियै।

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

एफिसी 2:6

परमेस्‍वर अपनासबके येसु खिरिस्‍टसङे जिबित कराइल्‍कौ आ ओकरेसङे स्‍वरगिय ठामसबमे राज करैले देल्‍कौ।

रोमी 8:1

ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

रोमी 1:6

तोरासबके सेहो ओकरेसबकेसङे येसु खिरिस्‍टके लोक हैले बोलाइनेछौ।

रोमी 8:21

सिरिस्‍टी आपनेसे बिनासके बन्‍धनसे एक दिन छुटकरा पाइबके परमेस्‍वरके सन्‍तानके महान छुटकरामे सहभागी हेतै।

रोमी 11:29

कथिलेत परमेस्‍वर आपनेसे देल बरदान कहियो फिरता नै लैछै आ बोल्‍यालसबके कहियो नै छोरैछै।

१ कोरन्‍थी 2:7

महज हमसब त परमेस्‍वरके गुप्‍त आ घोसारल ग्‍यानके परचार करैचियै, जे सिरिस्‍टी हैसे पैहनिए परमेस्‍वर अपनासबके महिमाके खातिर नियुक्‍त करने छेलै।

गलाती 1:6

तोरासब खिरिस्‍टके अनुगरहमे बोलाइबला परमेस्‍वरके अतहेक जल्‍दी बिसैरके दोसर सुसमाचार दिसन लागल देखके हमरा त एकदम ताजुब लाइगरहल छै।

गलाती 1:15

महज हमर जलम हैसे पैहनैये परमेस्‍वर हमरा अलग करल्‍कै आ अनुगरहसे हमरा आपन काम करैले बोलाइल्‍कै।

गलाती 5:8

यि कामसब त साँचोके तोरासबके बोलाइबला परमेस्‍वर नै करनेछौ।

एफिसी 3:11

परमेस्‍वर यि बात आपन अनन्‍त योजनाके अनुसार अपनासबके परभु येसु खिरिस्‍टमे पुरा करल्‍कै।