रोमी 8:29 - मध्‍य पुरविया थारू

²⁹ परमेस्‍वर सन्‍सार बनाबैसे पहिने ओकरासबके चिन्‍हने छेलै आ उसब ओकर बेटा येसु खिरिस्‍ट जखा बने आ उ सब भाइ-भैयासबसे जेठ हेबे कैहके चुनल्‍कै।

रोमी 8:29 Referans Kwoze

एफिसी 1:11

कथिलेत सब बात परमेस्‍वरके योजना आ इक्‍छा अनुसार भेलछै। परमेस्‍वर अपनासबके आपन खुसिसे खिरिस्‍टमे छानल्‍कै। यि बात उ पहिनेसे करल योजना अनुसार भेल छेलै।

२ तिमोथी 1:9

परमेस्‍वरे हमरौरके बचेल्‍कै आ आपन पबितर बोलाबटसे बोलाइल्‍कै। हमरौरके काम देखके नै, महज उ आपन इक्‍छा आ अनुगरहसे करने छै, जे उ खिरिस्‍ट येसुमे जुगो-जुग पहिनेसे हमरासबके देने छेलै।

१ पतरुस 1:20

परमेस्‍वर सन्‍सारके सिरिस्‍टी करैसे पैहनिए ओकरा चुन्‍ने रहै महज तोरासबके भलाइके खातिर अन्‍तिम समयमे उ परगट भेलै।

परकास 13:8

मारलगेल थुमाके जिबनके किताबमे सन्‍सारके सिरिस्‍टी हैसे पहिने नाम लिखल लोकसब बाहेक पिरथिबीमे रहैबला सबकोइ ओइ जानबरके पुजा करतै।

२ तिमोथी 2:19

महज तैयो परमेस्‍वरके आपनेसे बनेल्‍हा जग सबदिन अटल छै। ओइ जगमे एहेन लिखल छै: “परभु आपन लोकसबके चिन्‍हैछै” आ “परभुके नाम लैबला सब गोरा खराब कामसे दुर रहे परतै।”

१ कोरन्‍थी 2:7

महज हमसब त परमेस्‍वरके गुप्‍त आ घोसारल ग्‍यानके परचार करैचियै, जे सिरिस्‍टी हैसे पैहनिए परमेस्‍वर अपनासबके महिमाके खातिर नियुक्‍त करने छेलै।

१ पतरुस 1:2

परमेस्‍वर पिता आपन पहिनेके योजना अनुसार तोरासबके छानल्‍कौ आ आपने पबितर आत्‍मासे पबितर बनेल्‍कौ। येसु खिरिस्‍टके आग्‍यापालन करैले आ ओकर लहुके छिटकासे सुध हेबे कैहके उ तोरासबके छानल्‍कौ। परमेस्‍वरके अनुगरह आ सान्‍ती तोरासबमे परसस्‍त हेबे।

१ कोरन्‍थी 15:49

जहिनङे हमसब अखुन माटीसे बनल लोकके रुपमे धारन करनेचियै, तहिनङे एक दिन हमसब स्‍वरगके लोकके रुपमे धारन करबै।

रोमी 9:23

उ अहैलेल अनङ करल्‍कै कि आपन दया करल लोकसबके महान महिमा देखाइले चाहल्‍कै। ओकर दया करल आ महिमाके लेल सुरुवेसे तैयार करल लोकसब हमसब चियै।

१ युहन्‍ना 3:2

पिरिय सङिसब, अखुन अपनासब परमेस्‍वरके बेटा-बेटी चियै। महज पाछे कथी हेबै से अखुन तलिक जानकारी नै देनेछै। खिरिस्‍ट एलाकेबाद अपनोसब ओकरे जखा हेबै कथिलेत उ जैहनङ छै, अपनासब तैहनङे देख्‍बै।

२ कोरन्‍थी 3:18

हमरासबके नै झापले चेहरासे परभुके महिमाके झलकाइचियै। परभु आत्‍मा चियै आ उ अपनासबके औरो आपनलखा महिमामय रुपमे परिबरतन कैरतेजेतै।

रोमी 11:2

परमेस्‍वर सुरुवेसे छानल आपन लोकसबके नै त्‍यागने छै। पबितर धरमसास्‍तरमे अगमबक्‍ता एलियाके कहल बात तोरासबके थाह नै छौ से? उ इजराएलीसबके बिरोधमे परमेस्‍वरसे अनङके बिन्‍ती करल्‍कै,

युहन्‍ना 17:16

जहिनङे हम यि सन्‍सारके नै चियै, तहिनङे ओहोसब यि सन्‍सारके नै चियै।

फिलिप्‍पी 3:21

उ आपन सक्‍तीसे सब चिजके आपन अधिनमे लाबेसकैछै। ओकर यि सक्‍तीसे अपनासबके यि मैर जाइबला देहके ओकर आपन महिमाके देह जखा हैले परिबरतन कैरदेतै।

एफिसी 4:24

लया स्‍वभाब धारन करैके लेल तुसब परमेस्‍वरके स्‍वरुपमे बनल चिही, अहैसे परमेस्‍वरके इक्‍छा जखा तोरासबके चालचलन धरमी आ पबितर हेबे।

मतीके लिखल सुसमाचार 12:50

कथिलेत जे स्‍वरगमे रहैबला परमेस्‍वर पिताके इक्‍छा पालन करैछै, उहे हमर माँ आ हमर भाइ आ हमर बहिन चियै।”

युहन्‍ना 17:26

हम ओकरासबके अहाँके चिन्‍हादेनेचियै आ अहाँके चिन्‍हाइते रहबै, ताकि जे परेम अहाँ हमरा करलियै, ओह्‍या परेम ओइसबमे रहे आ हम ओइसबमे रही।”

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

मतीके लिखल सुसमाचार 7:23

तखैन हम तोरासबके कहबौ, ‘हम तोरासबके चिन्‍हबो नै करैचियौ। ए दुस्‍ट काम करैबलासब, हमरसे दुर चैलजो।’

युहन्‍ना 20:17

येसु ओकरा कहल्‍कै, “हमरा नै छु, कथिलेत अखुनतक हम पिताके लग उपर नै गेल चियै। बरु हमर भाइसबलग ज्‍याके ओकरासबके कैहदहै कि हम आपन पिता आ तोरासबके पिता, आपन परमेस्‍वर आ तोरासबके परमेस्‍वर लग उपर ज्‍यारहल चियै।”

युहन्‍ना 17:19

हम ओइसबके खातिर आपनेके पबितर करैचियै, ताकि उसब सेहो सत्‍यतामे पबितर हेबे।

मतीके लिखल सुसमाचार 25:40

तैपर रजा ओइसबके जबाफ देतै, ‘साँचे हम तोरासबके कहैचियौ कि, जे कुछो तुसब यि भाइसबमेसे सबसे छोटके लेल करलिही, उ हमरे करलिही।’

मतीके लिखल सुसमाचार 28:10

येसु ओकरासबके कहल्‍कै, “नै डराइ जाइजो, ज्‍याके हमर भाइसबके गालिलमे जाइले कैहदहै। ओतै उसब हमरा देखतै।”

१ कोरन्‍थी 8:3

महज जे लोक परमेस्‍वरके परेम करैछै, परमेस्‍वर ओकरा चिन्‍हैछै।

कलस्‍सी 3:10

आब त तुसब लया स्‍वभाब धारन करनेचिही। तुसब परमेस्‍वरके पुरा ग्‍यान पाबैले सक कैहके सिरिस्‍टीकरता आपन स्‍वरुपमे तोरासबके लया बन्‍यारहलछौ।