रोमी 8:17 - मध्‍य पुरविया थारू

¹⁷ हमसब परमेस्‍वरके बेटा-बेटी चियै त ओकर हकबला सेहो चियै, परमेस्‍वरके हकबला आ खिरिस्‍टसङे सझिया हकबला हेबै। यदि हमसब खिरिस्‍टसङे दुख-कस्‍ट भोग्‍बै त ओकरेसङे आदर-सम्‍मानमे सेहो सहभागी हेबै।

रोमी 8:17 Referans Kwoze

गलाती 4:7

तैखातिर आबसे तुसब नोकर नै, महज परमेस्‍वरके बेटा चिही आ बेटा चिही त हकबला सेहो चिही।

गलाती 3:29

यदि तुसब खिरिस्‍टके चिही त अबराहमोके सन्‍तान चिही आ परमेस्‍वरके परतिग्‍या बमोजिम हकबला सेहो चिही।

एफिसी 3:6

उ रहसके बात एह्‍या चियै कि, गैर-यहुदीयोसब सुसमाचारसे परमेस्‍वरके आसिस पाबैले सक्‍तै। उसब एक देहके अङसब आ खिरिस्‍ट येसुमे परमेस्‍वरके करल परतिग्‍याके साझेदार भेल छै।

परकास 21:7

जे कोइ जित्‍तै, उ यि सब अधिकार पाबतै। तब हम ओकर परमेस्‍वर हेबै आ उ हमर बेटा हेतै।

१ पतरुस 4:13

बरु खिरिस्‍टके दुख-कस्‍टमे सहभागी हैले पाबलियै कैहके आनन्‍द मना। जब उ आपन महिमाके सङे फेनसे एतै, तै बखत तुसब औरो आनन्‍द मनाइले सके।

१ पतरुस 1:4

स्‍वरगमे तोरासबके खातिर सैतके राखल उतराधिकार कहियो नास नै हैबला, नै सरैबला आ नै मुरझाइबला जखाछै।

तितस 3:7

जै कारन ओकर अनुगरहसे धरमी भ्‍याके अपनासब असा करल अनन्‍त जिबनके हकदार बैन सकी।

हिबरु 6:17

परमेस्‍वरके परतिग्‍या पाबैबला लोकसबके उ आपन करल परतिग्‍या पक्‍का छै आ कहियो नै बदलतै कैहके देखाबैके लेल उ किरिया खेल्‍कै।

युहन्‍ना 17:24

“हे पिता, हम इक्‍छा करैचियै कि, जकरासबके अहाँ हमरा देनेचियै, सेसब हमरसङे रहे आ हमर महिमा देखे, जे महिमा सन्‍सार सिरिस्‍टी हैसे पहिने अहाँ हमरा परेम करलाके कारनसे देनेछेलियै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

फिलिप्‍पी 1:29

कथिलेकी खिरिस्‍टके लेल तोरासबके यि देलगेलछौ, कि तुसब ओकरमे बिस्‍बास मातरे कैरके नै महज ओकर खातिर दुख सेहो भोगैले परतौ।

२ कोरन्‍थी 1:7

तोरासबके बिसयमे हमरासबके आसा एकदमसे अटल छै। कथिलेकी हमरासबके थाहछै कि, तुसब हमरासबके जखा भोगल दुख भोगैचिही, तहिनङे हमरासबके भेटल सान्‍तबना जखा तुहुसब सान्‍तबना पाबबिही।

रोमी 5:17

एकेटा लोक आदमके करल पापके कारन सब लोकसब मरैछै। महज असल बात यि चियै कि, परमेस्‍वर परसस्‍त अनुगरह आ धारमिकताके बरदानसे लोकसबके धरमी ठहराइल्‍कै। अनङ उसब एकेटा लोक येसु खिरिस्‍ट दुवारा जिबन पाबतै।

हिबरु 1:14

स्‍वरगदुतसब त परमेस्‍वरके सेबा करैबला आत्‍मासब चियै। परमेस्‍वर ओकरासबके मुक्‍ती पाबैबला लोकसबके सहायता करैके लेल पठाइनेछै।

परकास 3:21

जे जित्‍तै, हम ओकरा हमर सिंहासनमे हमरसङे बैठैले हक देबै, जनङ हम जितलियै आ आपन पितासङे ओकर सिंहासनमे बैठल चियै।’

लुका 12:32

ताब येसु चेलासबके कहल्‍कै “हे हमर छोट जेर, नै डेरा! कथिलेत परमेस्‍वर तोरासबके आपन राज दैले खुसिसाथ तयार भेलछौ।

मतीके लिखल सुसमाचार 16:24

तकरबाद येसु आपन चेलासबके कहल्‍कै, “अदी जे कोइ हमर चेला बनैले चाहैछै त, उ आपन मनके मारौक आ आपन कुरूस बोइकके हमर पछा लागौक।

१ कोरन्‍थी 2:9

महज पबितर धरमसास्‍तरमे एहेन लिखलछै, “आँखसे नै देखलहा आ कानसे नै सुनलहा आ लोकके मनमे नै चितेल्‍हा, एह्‍या बात परमेस्‍वर ओकरा परेम करैबलासबके लेल तयार करने छै।”

रोमी 8:3

बेबस्‍था जे करैले नै सक्‍लै, से परमेस्‍वर करल्‍कै, कथिलेकी अपनासबके पापी स्‍वभाबके कारनसे बेबस्‍था कमजोर भेलै। परमेस्‍वर अपनासबके पापसे छुटकरा करैके लेल आपनेसब जखा आपन बेटाके देहमे पठेल्‍कै आ उ खिरिस्‍टके देहके बलिदान कैरके अपनासबके पापके नास करल्‍कै।

परेरित 20:32

“आब हम तोरासबके परमेस्‍वरके जिम्‍मा आ ओकर अनुगरहके बचनमे सौपदैचियौ, जैसे तोरासबके बिस्‍बासमे मजगुत बनाइले सक्‍तौ आ पबितर करल लोकसबके सङे उतराधिकार दैले सक्‍तौ।

परेरित 14:22

उसब ओइठाम परभुके बिस्‍बासीसबके हिम्‍मत बरहाइत ओइसबके बिस्‍बासमे अस्‍थिर रहैले हौसला दैत रहलै आ कहैत रहलै, “परमेस्‍वरके राजमे पुगैसे पैहने अपनासबके बहौत दुख सहे परत।”

मतीके लिखल सुसमाचार 25:21

मालिक कहल्‍कै, ‘स्‍याबास! तु असल आ बिस्‍बास योग्‍य नोकर चिही। थोरबे चिजमे तु बिस्‍बास योग्‍य रहलिही। आब हम तोरा बहौत चिजके जिमा देबौ। हमरासङे आनन्‍द मना।’

लुका 24:26

कि खिरिस्‍टके यि सब दुख काइटके आपन महिमाके खातिर जाइसे पहिने जरुरी नै छेलै त?”

परेरित 26:18

तु ओकरासबके आँख खोइलके अन्‍हारसे इजोतमे आ सैतानके बन्‍धनसे परमेस्‍वर दिसन घुमाबे। जैसे उसब हमरमे बिस्‍बास करे आ ओकरसबके पाप छमा भ्‍याजाय आ परमेस्‍वरके पबितर करल लोकसब रहल ठाममे रहे पाबे।’

२ कोरन्‍थी 1:5

हमसब जतहेक खिरिस्‍टमे दुख भोग्‍बै, ततहेक बहौत परमेस्‍वर अपनासबके खिरिस्‍टसे सान्‍तबना देतै।

फिलिप्‍पी 3:10

हम खिरिस्‍टके औरो निकसे चिन्‍हैले आ ओकरा जियाइबला सक्‍तीके अनुभव करैले चाहैचियै। ओकर जखा दुख सहैले आ मरैयोले इक्‍छा करैचियै,

कलस्‍सी 1:24

अखुन हम तोरासबके खातिर दुखो भोइगके खुसी चियौ कथिलेत खिरिस्‍टके देह अरथात मन्‍डलीके खातिर बाकी रहल दुख-कस्‍टसब हम आपन देहमे भोइगके पुरा करैचियौ।

हिबरु 1:2

महज यि अन्‍तके दिनसबमे उ आपन बेटा दुवारा अपनासबसङे बोलैछै। उ आपन बेटाके सब चिजके उतराधिकार हैकेलेल नियुक्‍त करल्‍कै आ ओकरे दुवारा सब चिजके सिरिस्‍टी करल्‍कै।