रोमी 8:1 - मध्‍य पुरविया थारू

¹ ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

रोमी 8:1 Referans Kwoze

२ कोरन्‍थी 5:17

अहैलेल यदि कोइ खिरिस्‍टमे छै त उ लोक लया सिरिस्‍टी चियै। पुरना जिबन बितके चैलगेलै, देख, आब लया जिबन सुरु भेलछै।

गलाती 3:13

खिरिस्‍ट अपनासबके खातिर सरापित भ्‍याके अपनासबके बेबस्‍थाके सरापसे मोल तिरके छुटकरा देल्‍कै, कथिलेत पबितर धरमसास्‍तरमे एहेन लिखल छै, “काठमे लटक्‍याल लोक सरापित हैछै।”

रोमी 5:1

ओहैसे हमसब खिरिस्‍टमे बिस्‍बास करलाके कारन परमेस्‍वरके अगा धरमी ठहरलचियै आ अपनासबके परभु येसु खिरिस्‍ट दुवारा परमेस्‍वरसङे अपनासबके मिलाप भेलछै।

१ कोरन्‍थी 1:30

परमेस्‍वरके कारन तुसब खिरिस्‍ट येसुमे चिही, परमेस्‍वर खिरिस्‍ट येसुके अपनासबके लेल बुधि, धरमी, पबितर आ पापसे छुटकरा दैबला बनाइल्‍कै।

रोमी 8:34

तब के अपनासबके दन्‍ड दैले सक्‍तै? कोइ नै सक्‍तै, कथिलेत येसु खिरिस्‍ट अपनासबके लेल मरलै। ओतबे नै, परमेस्‍वर ओकरा मरलसे जियेल्‍कै आ अखुन परमेस्‍वरके दहिनाकात बैठलछै आ अपनासबके लेल परमेस्‍वरसे बिन्‍ती कैररहलछै।

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

युहन्‍ना 15:4

तुसब हमरमे रह आ हम तोरासबमे रहबौ। जेनङकी ठाइर अङगुरके लतीमे नै रहतै त उ आपनेसे फल फराइले नै सक्‍तै, तहिनङ तुसब हमरमे नै रहबिही त तुहुसब फल फराइले नै सकबिही।

फिलिप्‍पी 3:9

ताकी पुरा रुपसे हम ओकरमे एक भ्‍यासकी। बेबस्‍था पालन कैरके परमेस्‍वरके अगा हम धरमी हैले नै सक्‍बै महज आब खिरिस्‍टमे बिस्‍बास करलासे परमेस्‍वरे हमरा धरमी ठहराइल्‍कै। यि धारमिकता बिस्‍बासमे अरल छै।

रोमी 8:14

परमेस्‍वरके आत्‍मा अनुसार चलैबलासब परमेस्‍वरके बेटा-बेटीसब चियै।

१ कोरन्‍थी 15:22

जनङ आदममे सबकोइ मरैछै, तहिनङे खिरिस्‍टमे बिस्‍बास करैबला सबकोइ जिबित हेतै।

गलाती 5:16

अहैले हम कहैचियौ, पबितर आत्‍माके अगुवाइसे चल आ लोक आपन पापी स्‍वभाबके ललसा पुरा नै कर।

रोमी 8:4

बेबस्‍थाके कहल अनुसार हमसब चलैले सकी कैहके परमेस्‍वर अनङ करल्‍कै। आब हमसब आपन इक्‍छा अनुसार नै, महज पबितर आत्‍माके इक्‍छा अनुसार चलैचियै।

रोमी 8:39

नै त अकास, नै त पताल, सिरिस्‍टीके कोनो सक्‍ती अपनासबके परमेस्‍वरके परेमसे अलग करैले नै सक्‍तै। कथिलेत खिरिस्‍ट दुवारा परमेस्‍वर अपनासबके परेम करने छै।

गलाती 5:25

यदि पबितर आत्‍मा अपनासबके लया जिबन देनेछै त, ओकर अगुवाइ अनुसार चलैले परतै।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

युहन्‍ना 14:20

‘हम पितामे आ तुसब हमरमे आ हम तोरासबमे चियौ’ से बात तुसब ओइ दिन जानबिही।

रोमी 7:20

हम जे करैले नै चाहैचियै वह्‍या करैचियै त, उ काम करैबला हम नै महज हमर भितरमे बास करैबला पाप चियै।

रोमी 7:17

ओहैसे हमर करल खराब काम हम नै करने चियै, यि त हमर भितरमे रहल पापके करल काम चियै।

२ कोरन्‍थी 12:2

हम खिरिस्‍टमे बिस्‍बास करल एक गोरे लोकके चिन्‍हैचियै, जे चौद बरिससे पहिने तेसर स्‍वरगमे उठ्‍यालगेलै। उ देहमे या बिना देहमे उठ्‍यालगेलै, से हम नै जानैचियै, उ परमेस्‍वर मातरे जानैछै।

रोमी 16:7

हमर सङी एनडरोनिकस आ युनियसके हमर गोरलगी सुन्‍यादहै। परेरितसबके बिचमे ओकरासबके नाम चलल छै आ हमरसे पहिने उसब खिरिस्‍टके बिस्‍बास करने छेलै। ओहोसब हमरसङे जहलमे छेलै।

रोमी 16:3

हमर सङे-सङे येसु खिरिस्‍टके काम करैबला सङी पिरिस्‍किला आ अकिलासके हमर गोरलगी सुन्‍यादहै।

रोमी 5:16

परमेस्‍वरके फोक्‍टेमे देल बरदान आ एक गोरा लोकके करल पापमे फरक छै। आदमके करल एकटा पापके कारन सब लोकसब दोसी ठहरलै आ सजायके भागिदार भेलै। महज लोकसब बहुतो पाप करल्‍कै तैयो परमेस्‍वरके अनुगरहसे ओकरासबके धरमी ठहरेल्‍कै।

रोमी 8:2

कथिलेत परमेस्‍वरके आत्‍मा येसु खिरिस्‍टमे बिस्‍बास करैबलासबके अनन्‍त जिबन दैछै। अपनासबके पापके नियम आ मिरतुसे छुटकरा दैछै।

रोमी 8:9

यदि साँचोके परमेस्‍वरके आत्‍मा तोरासबमे बास करैछौ त, तुसब पाप स्‍वभाबके अधिनमे नै, महज पबितर आत्‍माके अधिनमे रहैचिही। यदि कोनो लोकमे खिरिस्‍टके आत्‍मा नै छै त, उ खिरिस्‍टके लोक हेबे नै करतै।

रोमी 8:11

यदि येसुके मरलसे जिबित करैबला परमेस्‍वरके पबितर आत्‍मा तोरासबमे बास करैछौ त, येसु खिरिस्‍टके मरलसे जिबित करैबला वह्‍या आत्‍मा तोरासबके नास हैबला देहके सेहो जिबन देतौ।

गलाती 3:26

कथिलेत बिस्‍बाससे येसु खिरिस्‍टमे तुसब परमेस्‍वरके सन्‍तान भेलचिही।

एफिसी 1:1

हम पावल, परमेस्‍वरके इक्‍छासे येसु खिरिस्‍टके परेरित, एफिसस सहरमे रहैबला आ येसु खिरिस्‍टमे बिस्‍बास करैबला पबितर लोकसबके यि चिठी लिखैचियौ।