रोमी 7:14 - मध्‍य पुरविया थारू

¹⁴ अपनासबके यि बात थाहेछै कि बेबस्‍था त आत्‍मिक चियै कथिलेकी यि परमेस्‍वरसे आबल छै। महज हम देहके पाप स्‍वभाब अनुसार चलैबला आ दास जखा पापमे बेचलगेल लोक चियै।

रोमी 7:14 Referans Kwoze

रोमी 7:18

हमर कहैले चाहैबला बात यि चियै कि हमरमे अरथात हमर पाप स्‍वभाबमे कोनो असल चिज बास नै करैछै, कथिलेत असल काम करैले हमर इक्‍छा हैतोपरभी यि करैले नै सकैचियै।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

मतीके लिखल सुसमाचार 5:28

महज हम तोरासबके कहैचियौ, जे कोइ कोनो जनीके गलत नजरसे देखैछै, त उ पैहनैये आपन मनमे ओकरसे बेबिचार कैरलेने रहैछै।

मतीके लिखल सुसमाचार 5:22

महज हम तोरासबके कहैचियौ, जे कोइ आपन भाइसे करोध करैछै, उ सजायके भागिदार हेतै, जे कोइ आपन भाइके अपमान करैछै, ओकरा धारमिक महासभामे जबाब देबे परतै। महज जे कोइ आपन भाइके सराप दैछै, उ नरकके आइगमे खसै जोकरके हेतै।

लुका 7:6

तकरबाद येसु ओइसबसङे गेलै। जब येसु कप्‍तानके घर लगमे रहै तब कप्‍तान सङीसबके एहेन कैहके येसु लग पठाइल्‍कै, “गुरु जी, दुख नै उठाबु कथिलेत हमर घरमे अहाँके स्‍वागत करैके हैसियतके नै चियै,

लुका 5:8

तब यि देखके येसुके टाङमे ठेङहुनिया दैत गोर लाइगके सिमोन पतरुस कहल्‍कै, “हे परभु हमर लगसे दुर चैलजो कथिलेत हम पापी चियै।”

मतीके लिखल सुसमाचार 18:25

महज उ नोकर करजा सधाबैले नै सकल्‍कै, तैखातिर रजा ओकरा ‘उ अपने आपके आ आपन घरबाली, बेटा-बेटी आ ओकरसङे भेल सबकुछ बेचके करजा सधाबैले’ आग्‍या देल्‍कै।

मतीके लिखल सुसमाचार 16:23

तब येसु घुइमके पतरुसके हपारल्‍कै, “ऐ सैतान, हमरसे दुर चैल जो, तु हमर लेल बाधाके कारन चिही। कथिलेत तु परमेस्‍वरके बातमे नै, महज लोकसबके बातमे धियान दैचिही।”

हिबरु 4:12

कथिलेकी परमेस्‍वरके बचन त जिबित आ काम करैबला चियै आ कोनोभी दुइ दिसन धार भेल तलबारसे बेसी चोख रहैछै। जनङ परान आ आत्‍माके भितर पुइगके अकर जोरनी आ हड्‍डी भितरके गुदीसबके भाग-भाग करैतक वार-पार करैछै, तहिनङ परमेस्‍वरके बचन लोकसबके हिरदयके बिचार आ चाहनाके एक-एक कैरके जाँच करैछै।

रोमी 3:9

ओहेन छै त, कि हम यहुदीसब औरोसे असल चियै त? कदापी नै चियै। यहुदी आ गैर-यहुदी दुनु समान रुपसे पापके अधिनमे छै कैहके हम पहिने देखाइने चियौ।

रोमी 6:6

हमसब यि जानैचियै कि अपनासबके पुरन्‍का स्‍वभाब ओकरसङे कुरूसमे टाङलगेलछै, ताकी अपनासबके पापी स्‍वभाब नास हेबे आ आबसे पापके दास नै हेबी।

गलाती 4:3

खिरिस्‍ट आबैसे पहिने हमसब सेहो ओहिनङे छेलियै आ अइ सन्‍सारके रितिरिबाजके अधिनमे छेलियै।