रोमी 6:6 - मध्‍य पुरविया थारू

⁶ हमसब यि जानैचियै कि अपनासबके पुरन्‍का स्‍वभाब ओकरसङे कुरूसमे टाङलगेलछै, ताकी अपनासबके पापी स्‍वभाब नास हेबे आ आबसे पापके दास नै हेबी।

रोमी 6:6 Referans Kwoze

गलाती 2:20

हमर पहिन्‍का स्‍वभाब खिरिस्‍टेसङे कुरूसमे मरल छै। आबसे हम नै महज खिरिस्‍ट हमरमे जियैछै। जे जिबन अखन हम सरिरमे जियैचियै से परमेस्‍वरके बेटामे बिस्‍बास कैरके जियैचियै कथिलेत उ हमरा परेम करल्‍कै आ हमर खातिर उ बलिदान भेलै।

एफिसी 4:22

तोरासबके पुरन्‍का जिबन आपने खराब इक्‍छाके कारनसे नस्‍ट हैतरहौ। तैखातिर तुसब आपन पुरन्‍का जिबन तियाइदहै।

गलाती 5:24

महज उसब, जे खिरिस्‍ट येसुके चियै, उसब आपन पाप स्‍वभाबके इक्‍छा आ ललसा कुरूसमे काटी ठोइकके मारनेछै।

गलाती 6:14

अपनासबके परभु येसु खिरिस्‍टके कुरूस बाहके औरो कोनो चिजमे घमन्‍ड करैबला बात हमरसे दुरे रहे। ओकर कुरूसके कारन हमर लेल सन्‍सारके लोभ लालचसब मरल छै आ सन्‍सारके लेल हम मरल चियै।

कलस्‍सी 3:5

सन्‍सारमे तुसब आपन देहके इक्‍छाके मार, जनङ: बेबिचार, अधलाह बात, दुस्‍ट काम, असुध बिचार आ लोभ जे मुरतिपुजा चियै।

रोमी 8:13

यदि तुसब पाप स्‍वभाबके इक्‍छा अनुसार चलबिही त, तुसब मरबिही। महज पबितर आत्‍माके सक्‍तीसे पाप स्‍वभाबके नास करबिही त, तुसब अनन्‍त जिबन पाबबिही।

रोमी 6:22

आब तुसब पापके बन्‍धनसे छुटकरा पाइबके परमेस्‍वरके दास भेलचिही। ओइसे तोरासबके पबितर बनाइतौ आ तुसब अनन्‍त जिबन पाबबिही।

रोमी 6:12

अहैलेल देहके अभिलासा अनुसार चलैले नै परे कैहके तोरासबके मरनसिल देहमे पापके अधिन करैले नै दहै।

रोमी 7:14

अपनासबके यि बात थाहेछै कि बेबस्‍था त आत्‍मिक चियै कथिलेकी यि परमेस्‍वरसे आबल छै। महज हम देहके पाप स्‍वभाब अनुसार चलैबला आ दास जखा पापमे बेचलगेल लोक चियै।

२ कोरन्‍थी 5:14

हमसब त खिरिस्‍टके परेमके बसमे चियै, कथिलेकी हमसब निसचिन्‍त चियै कि सबलोकके लेल खिरिस्‍ट मरलाके कारन सबके मिरतु भेलै।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।