रोमी 6:3 - मध्‍य पुरविया थारू

³ अपनासब येसु खिरिस्‍टमे बप्‍तिस्‍मा लैतखिना ओकरेसङे एक भ्‍याके मरलियै कैहके कि तोरासबके थाह नै छौ?

रोमी 6:3 Referans Kwoze

गलाती 3:27

तोरासबमेसे जतहेक गोरे खिरिस्‍टमे बप्‍तिस्‍मा लेनेचिही, तु सबकोइ खिरिस्‍टके धारन करनेचिही।

रोमी 6:8

महज यदि अपनासब खिरिस्‍टसङे मरल चियै त, ओकरसङे जिबित सेहो हेबै कैहके बिस्‍बास करैचियै।

१ कोरन्‍थी 12:13

हमसब चाहे यहुदी हेबे, चाहे गिरिक, चाहे दास हेबे, चाहे स्‍वतन्‍तर, सबकोइ एके पबितर आत्‍मासे बप्‍तिस्‍मा पाबनेचियै आ एके देह भेलचियै। तब अपनासबके एके पबितर आत्‍मा देनेछै।

१ पतरुस 3:21

वह्‍या पानी बप्‍तिस्‍माके एकटा रुप चियै, जे तोरासबके बचाबैछौ। यि देहके मैल उगारनाइ नै चियै, महज सुध बिबेकसे परमेस्‍वरमे करलगेल समरपनता चियै। यि मिरतुसे भेल येसु खिरिस्‍टके पुनरुथानसे तोरासबके बचाइछौ।

परेरित 2:38

पतरुस ओइसबके कहल्‍कै, “पस्‍चाताप कर आ तोरौरके पापसे छमा पाबैके खातिर येसु खिरिस्‍टके नाममे तोरौरके सबकोइ बप्‍तिस्‍मा ले, तोरासबके पबितर आत्‍माके बरदान पाबबिही।

मतीके लिखल सुसमाचार 28:19

तहैलेल जो आ सब देसके लोकसबके चेला बना, पिता, पुतर आ पबितर आत्‍माके नाममे बप्‍तिस्‍मा दहै।

याकुब 4:4

हे बेबिचारी लोकसब! परमेस्‍वरके छोइरके यि सन्‍सारके खराब चालचलनमे चलैबला लोकसब परमेस्‍वरके दुस्‍मन हैछै से बात तोरौरके थाह नै छौ? अहैलेल यदि कोनो लोक यि सन्‍सारके खराब चालचलनमे चल्‍तै, उ परमेस्‍वरके दुस्‍मन चियै।

१ कोरन्‍थी 9:13

मन्‍दिरमे सेबा करैबला मन्‍दिरमे चरह्‍याल चिजसब खाइछै आ बेदीके सेबा करैबला लोक बेदीसे आपन हिसा पाबैछै। कि यि बात तोरासबके थाह नै छौ?

रोमी 7:1

हे भाइ-भैयासब, हम यि बात बेबस्‍था जानेबलासबके कहैचियौ। लोक जिबित रहेतक मातरे बेबस्‍थाके अधिनमे रहैछै कि तोरासबके थाह नै छौ?

रोमी 6:16

तुसब जकर आग्‍यापालन करैचिही ओकर दास हैचिही से तोरासबके थाह छौ। तुसब पापके दास भ्‍याके ओकर आग्‍यापालन करबिही त मरबिही, महज परमेस्‍वरके आग्‍यापालन करबिही त, तुसब ओकर अगा धरमी ठहरबिही।

परेरित 19:5

यि बात सुइनके उसब परभु येसुके नाममे बप्‍तिस्‍मा लेल्‍कै।

१ कोरन्‍थी 6:9

कि अधरमी लोकसब परमेस्‍वरके राजमे ढुकैले नै सक्‍तै कैहके तोरासबके थाह नै छौ? अइ बातके गम्‍भिर रुपसे ले आ तुसब आपनेके धोखा नै दहै, कथिलेत अनैतिक काम करैबला, मुरतिपुजा करैबला, बेबिचार करैबला, समलिङगिसब, पुरुखगामीसब,

१ कोरन्‍थी 5:6

तोरासबके करल घमन्‍ड ठिक नै छौ। कन्‍हिके खमिरसे सानल पुरे आँटाके खमिरा बनाइछै, कि से बात तोरासबके थाह नै छौ?

परेरित 8:16

कथिलेत तखुन तक ओकरासबमेसे कोइ नै पबितर आत्‍मा पाबने रहै। उसब मातरे परभु येसुके नाममे बप्‍तिस्‍मा लेने रहै।

२ कोरन्‍थी 13:5

तुसब बिस्‍बासमे चिही कि नै चिही से आपनेसे जाँइचके देख। यदि जाँचमे असफल नै हेब्‍ही त खिरिस्‍ट तोरासबमे छौ कैहके थाहे हेतौ।

१ कोरन्‍थी 15:29

यदि मरल लोकसब जीके नै उठतै त, मरल लोकसबके सम्‍झनामे लेल बप्‍तिस्‍माके कोन अरथ भेलै त? यदि मरल लोकसब जीके नै उठैछै त लोकसब ओइसबके लेल कथिले बप्‍तिस्‍मा लैछै?

१ कोरन्‍थी 3:16

तुसब परमेस्‍वरके मन्‍दिर चिही आ परमेस्‍वरके आत्‍मा तोरासबमे बास करैछौ, कि तुसब नै जानैचिही?

१ कोरन्‍थी 6:19

तोरासबके देह पबितर आत्‍माके मन्‍दिर चियौ, जे पबितर आत्‍मा तुसब परमेस्‍वरसे पाबनेचिही आ उ तोरासबमे बास करैछौ, से बात तोरासबके थाह नै छौ? तुसब स्‍वयम आपने नै चिही।

१ कोरन्‍थी 9:24

दौरमे भाग लैबला सबकोइ दौरैछै महज एक गोरे मातरे इनाम पाबैछै से बात तोरासबके थाह नै छौ? तैखातिर तुसब इनाम पाब्‍बै तै किसिमसे दौर।

१ कोरन्‍थी 10:2

बादल ओइसबके रस्‍ता देखाइत ल्‍यागेलै आ उसब समुन्‍दरके बिच हैत मोसाके पछा गेलै आ यि उसबके लेल बप्‍तिस्‍मा ल्‍याल जखा भेलै।