रोमी 6:14 - मध्‍य पुरविया थारू

¹⁴ पाप तोरासबमे अधिन नै करे, कथिलेकी तुसब बेबस्‍थाके अधिनमे नै, महज परमेस्‍वरके अनुगरहमे बचल चिही।

रोमी 6:14 Referans Kwoze

गलाती 5:18

महज तुसब पबितर आत्‍माके अगुवाइसे चलैचिही त, तुसब बेबस्‍थाके अधिनमे नै चिही।

रोमी 8:2

कथिलेत परमेस्‍वरके आत्‍मा येसु खिरिस्‍टमे बिस्‍बास करैबलासबके अनन्‍त जिबन दैछै। अपनासबके पापके नियम आ मिरतुसे छुटकरा दैछै।

हिबरु 8:10

परमपरभु कहैछै, ‘आबैबला दिनमे हम इजराएलके लोकसबसङे यि करार बान्‍हबै। तोरासबके मनमे हम आपन बेबस्‍था राइखदेबौ, तोरासबके हिरदयमे उ लिखदेबौ। हम तोरासबके परमेस्‍वर हेबौ आ उसब हमर लोक हेतै।’

रोमी 6:12

अहैलेल देहके अभिलासा अनुसार चलैले नै परे कैहके तोरासबके मरनसिल देहमे पापके अधिन करैले नै दहै।

युहन्‍ना 8:36

अहैलेल परमेस्‍वरके बेटा तोरासबके छुटकारा देतौ त, साँचेके तुसब छुटकारा पाबबिही।

युहन्‍ना 1:17

कथिलेत बेबस्‍था मोसासे एलै, महज अनुगरह आ सत्‍यता येसु खिरिस्‍टसे एलै।

गलाती 3:23

खिरिस्‍टमे बिस्‍बास करैबला बाट परकट नै हैसे पहिने हमसब बेबस्‍थाके अधिनमे छेलियै आ हमसब कैदी जखा भेलछेलियै।

रोमी 8:12

अहैलेल हे हमर भाइ-भैयासब, अपनासबके पाप स्‍वभाबके इक्‍छा अनुसार चलैले कोनो कर-काप नै छै।

मतीके लिखल सुसमाचार 1:21

उ एकटा बेटा जलमाइतौ आ तु ओकर नाम येसु राखिहे, कथिलेत उ आपन लोकसबके ओकरासबके पापसे बचाइतौ।”

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

गलाती 4:21

बेबस्‍थाके अधिनमे रहैले चाहैबलासब हमरा यि कह, बेबस्‍था कि कहैछै तोरासबके थाह नै छौ?

रोमी 11:6

यि त परमेस्‍वरके अनुगरहसे भेल छै, धरम-करमसे नै, नै त परमेस्‍वरके अनुगरह बेरथ हेतियै।

रोमी 4:16

ओहैसे परमेस्‍वरके परतिग्‍या बिस्‍बास दुवारा पाबैबलाके यि ओकर अनुगरहमे भर परैछै। यि परतिग्‍या बेबस्‍था पालन करैबला अबराहमके सन्‍तानसबके लेल मातरे नै महज अबराहम जखा बिस्‍बास कैरके जियैबलासबके लेल चियै, कथिलेत अबराहम सबके पुरखा चियै।

रोमी 6:15

माइनले हमसब बेबस्‍थाके अधिनमे नै चियै, महज परमेस्‍वरके अनुगरहके अधिनमे चियै त, कि पाप करबै? कदापी नै।

युहन्‍ना 1:14

तब बचन लोक बैनके अपनासबके बिचमे बास करल्‍कै आ अपनासब ओकर महिमा देखलियै, जे महिमा परमेस्‍वरसे आबैबला एक मातरे बेटामे छेलै। उ आपनौरके पुरा रुपसे अनुगरह करैछै आ सत बात मातरे बोलैछै।

रोमी 5:17

एकेटा लोक आदमके करल पापके कारन सब लोकसब मरैछै। महज असल बात यि चियै कि, परमेस्‍वर परसस्‍त अनुगरह आ धारमिकताके बरदानसे लोकसबके धरमी ठहराइल्‍कै। अनङ उसब एकेटा लोक येसु खिरिस्‍ट दुवारा जिबन पाबतै।

रोमी 5:18

अहिनङ कैरके हमसब देखैचियै कि, जनङ आदमके एकेटा पापसे सब लोकसब मिरतुदन्‍डके भागिदार भेलै, ओहिनङे खिरिस्‍टके एकेटा धारमिक कामसे परमेस्‍वरके सामने सबलोक धरमी ठहरतै आ जिबन पाबतै।