रोमी 6:10 - मध्‍य पुरविया थारू

¹⁰ पापके बन्‍धनसे छुटकरा करैके खातिर खिरिस्‍ट सबदिनके लेल एकेबेर मरलै। आब जे जिबन खिरिस्‍ट जियैछै, उ जिबन परमेस्‍वरके लेल जियैछै।

रोमी 6:10 Referans Kwoze

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

१ पतरुस 4:6

वह्‍या खातिर ओकरोसबके सुसमाचार सुन्‍याल गेलछेलै जेसब अखन मरलछै। ताकी उसब लोकेसबके जखा देहमे नियाय पाबतै तैयो आत्‍मामे उसब परमेस्‍वरे जखा जिये।

१ पतरुस 3:18

कथिलेकी अपनासबके परमेस्‍वरमे आनैके लेल खिरिस्‍ट धरमी भ्‍याके सेहो अधरमीसबके पापके लेल एकबेर सबदिनके लेल मरलै। उ देहमे मरलै महज परमेस्‍वर ओकरा आत्‍माके सक्‍तीसे जिबित करल्‍कै।

२ कोरन्‍थी 5:15

उ सबके लेल मरलै, ताकि बाचैबलासब आबसे आपने लेल नै बाच्‍तै, महज ओकरलेल बाँचे, जे ओकरासबके खातिर मरलै आ फेनसे जिबित भ्‍याके उठ्‍यालगेलै।

रोमी 8:3

बेबस्‍था जे करैले नै सक्‍लै, से परमेस्‍वर करल्‍कै, कथिलेकी अपनासबके पापी स्‍वभाबके कारनसे बेबस्‍था कमजोर भेलै। परमेस्‍वर अपनासबके पापसे छुटकरा करैके लेल आपनेसब जखा आपन बेटाके देहमे पठेल्‍कै आ उ खिरिस्‍टके देहके बलिदान कैरके अपनासबके पापके नास करल्‍कै।

रोमी 6:11

तहिनङ कैरके तुहुसब आपन-आपन पापके खातिर मरल महज येसु खिरिस्‍टसङे परमेस्‍वरके लेल जिबित भेल समझ।

लुका 20:38

उ मरल लोकसबके परमेस्‍वर नै चियै, उ त जियलसबके परमेस्‍वर चियै, कथिलेत उ सबके लेल जियल छै।”

रोमी 6:9

अपनासब जानैचियै कि, खिरिस्‍ट मरलसे जिबित भेलछै आ उ फेनसे कहियो नै मरतै। ओकरमे मिरतुके कोनो सक्‍ती किछो करैले नै सक्‍तै।